Bunı mayısnıñ 3-ne öz Telegram-kanalına faal Sergiy Sternenko haber etti. Öz haberine o Devlet sınır hızmetine, Bastanıñ ortaqlarıne ve “Mocco”restorannıñ hadimlerine  bağlantı qaldırdı.

“Bu daqası Kiyevde, Hreşçatikte Mokko restoranda Rusiye grajdanı Vasil Vakulenko, Basta adınnen belli, otura”, - yazdı Sternenko.

Malümatlarğa köre, qaç kere işğal etilgen Qırımda keçirelgen kontsertleri sebebinden üç yıllıq yasaq vaqıtı endi keçti. Lâkin, faal aytqanına köre, bu Vasil Vakulenkoğa yañı yasaq çıqarmağa sebeptir.  

Menba: YouTube/STERNENKO

“Basta işğalcilernen qanunsız qorulğan Qırım köpüri aqqında eñ yahşı yırını seçip alğan edi. O yırnıñ böyle satırları bar “boyle istenilgen Qırım köpüri Rusiyeniñ eki yalısını birleştirdi”. Qırım işğalini meşur etken tedbirine iştirağı oñı Ukrainağa devlet telükesizligine havf etken insanına kibi  kirüvine yasaq çıqarmaq sebebidir. Bu menim nazar noqtam degil, bu qanunğa köre doğrudır. UTH bunı bile, lâkin episi bir oñı qabul ettiler”, - ayttı Sternenko.

O rus yırcısını Ukrainağa “provokatsiya ve ukrainlerini horlamaq” maqsadınnen keçirdiler. 

Malümat olaraq

• 2018 senesi medeniyet ve malümat siyaset nazirligi oñı Ukraina milliy telükesizligine zarar etken tış medeniy areketçilercedveline qoştı. 2021 senesi mayıs ayında Vakulenko  cedvelden ğayıp oldı.
• 2021 senesi Basta Kiyevde kontsertlerini keçirmege azırlanıy, olar planlarğa köre 25-26 iyünde StereoPlazada keçecekler. Lâkin reper resmiy saytına  böyle malümatlar yoq.
• Martnıñ 19-ne “Avropa Birdemligi”firqanıñ azası, YUŞ deputatı Öleksiy Gonçarenko rus artistnin kirüvini yasaq etmege teklif etti.