Bunıñ aqqında "Qırım ve Aqyar boyunca Rusiye istimal nezaretiniñ idare başı" Natalya Penkovskaya ilân etti.

İşğal etilgen Qırımda ecnebiy vatandaşlarına, yarımadasınen memuriy sıñırını keçken ukrain vatandaşlarnı da kirseteler. 

"Rusiye Federatsiyasını sıñırlarından çıqqan episi, Rusiye Federatsiyasınıñ devlet sıñırını keçken soñ ilk beş kün içinde yañı koronavirus infektsiyasına PZR testni (eki sefer) alıp berip eñ azdan kün içinde öz neticelerni devlet hızmetleriniñ  yekâne portalına yüklemek kerek. Rusiye Federatsiyasınıñ territoriyasına kirgen şahıs, anketanı toldurıp onı devlet hızmetlerniñ portalına yükley, anda ise onıñ testlev neticileri de kirsetile",- denile beyanatta.

Daa qayd etkeni kibi, kelgen ecnebiy vatandaşlar üzerinde nezaret tedbirleri "quvetleştirilecekler".

Belli olğanı

• Çeçek aynıñ 17-den itibaren Rusiyenen işğal etilgen Qırımğa çetelden kelgenleri, COVİD-19’ğa menfiy testnı köstermek kerekler.
• Mayıs  aynıñ 1 sabasına qadar, işğal etilgen Qırımda COVID-19-nıñ “resmiy şeklinde” 99 vaqianı resmiyleştirgenler, Aqyarda-24.
• İşğal etilgen Aluşta, COVID-19 hastalanuvınıñ atruvı sebebinden “qırmızı zonasına” kirgen.