Bunı "Qırım birdemligi" bildire.

Qayd etilgeni kibi, adliyeci Nazim Şeyhmambetov Prihodkonı taqiqat tevqifhanesinde ziyaret etti.

Adliyeci ilân etkeni kibi, İAAB’ne şikâyetni, Prihodko davasındaki ükmü qanuniy quvetini alğan soñ yolaycaqlar. Şimdi vesiqalarnıñ toplavı devam etile.

"Bundan da ğayrı, imaye tarafı, cinaiy işniñ bütün tomlarnen tanış olıp makeme oturışlarnıñ bütün protokollarnı ve audio yazuvlarnı alğan- episi bu şikâyetke qoşulacaq",- denile beyanatta.

Adliyeciler istinaf baquvınıñ tayin etüvini bekleyler- prokuratura, Öleg Prihodkoğa 5 yıl yerine 11 yılğa azatlıqtan marum etüvini talap etip onıñ ükümni temyiz etmege qarar berdi. 

Öleg Prihodkonıñ alını adliye tarafınen "istiqrarlı qanaatlendirici" kibi tayin etilgen edi.

"O, bayağı yaşia olğan adam ve onıñ sürekli hastalıqları menfiy apishane tibbiyetniñ şaraitlerinde ağırlaşalar",- dep ayta Şeyhmambetov.