Bunı Ukraina SQ komandanlığı Facebook saifesinde haber etti.

Oquşlarnıñ efsanesine köre, tank bölügi piyade imdatınnen mudafaa safmıznı bozmaq tırıştı.

"İstihbarat vaqıtında duşmannıñ eñ müim ateş quvetleri tarif etildi. Qarşı areketler maqsadınnen uruşqa tank ihtiyatlar ve tank qarşı  toplar qoşuldı", – Ukraina birleşken Silâlı Quvetler komandanı general-leytenant Sergiy Nayev  haber etti.

Komandan aytqanına köre, tank qarşı 100-milimetrlıq toplar MT-12 “Rapira” tez ateş mevamlarına keçip, nişanlarını yeq etmege başladı.

Ondan ğayrı komandan ayttı, ne tank ekipajları yuruş etmesniñ elementlarını açıq yerlerde, mevamlar denişmesini, tütüniy perdenin  tesbitinive tehnika maskalanuvnı, sınırğa çıqışını ve duşman yeq etüvni işlettirdiler.

" Ukraina birleşken Silâlı Quvetler komandanlığına tabi tank ve toplar bölükleri  cenkâver şartlarğa yaqın idman eteler. Birinci baqıştan böyle stsenariy adet olğan körüne, çünki askerler areketler algoritmni er kün işleteler. Amma taktik fonı ve maqsadları denişe, yañı malümatlar berile, uruş alşqanlıqlar daa de teren ve ikmal olalar", – ayttı Nayev.

Malümat olaraq

• Ukrain askerleri işğal etilgen Qırımnıñ sınırına vazifelerini çizmek devam eteler.  Ukraina birleşken Silâlı Quvetler komandanlığnıñ desant-ucum ordularnıñ bölükleri ve cenkâver arbiy aviatsiyanıñ uçaqları deñız desantına deñız yalısında qırşı areketlerine ögrene ediler.
•  Aprelnin 6-na Ukraina cenübine işğal etilgen Qırımnıñ sınırını nezaret etmek ve qorçalamaq içün askerler toplaşuvnı ilân ettiler.
• Conflict Intelligence Team (CIT) teqıq taqımnıñ hadimleri Voronej velâyetine rus ordular toplanğan çol lagerni  Uraina sınırından 250 kilometrde taptılar. 
• Rusiye SQ 76-ci gvardiya desant-ucum tümenni  - pskov desantçilarını - işğal etilgen Qırımğa keçereler.