Bunıñ aqqında o, BMT İqtisadiy ve İçtimaiy Şurasınıñ işi çerçivesindeki genç musulman qadınları içün virtual sammit vaqtında ayttı.

"Memleket içinde yaşağan yerine deñiştirgen 1,5 million insan arasında 60 faizi qadınlar, olarnıñ arasında men de – qırımtatar halqınıñ temsilcisi. Şunıñ içün bu diger qırımtatar qıdnlarınıñ kibi menim de añrım", - dedi o.

Ukraina vatandaşlarınıñ ve eñ çoq qırımtatarlarnıñ taqip etilmesi aqqında aytıp berdi. Onıñ sözlerine köre, bütün bular siyasiy sebeplerden ola ve neticede bir çoq qorantalar babasız qala ve bütün buyu k qadınlarnıñ omuzlarına yata . 

"Qırım bu Ukraina" deseñ, seni tevqif ete bileler. Ukraina pasportıñ olsa, sağa casus ayta bileler. Qırımtatar faali olsañ, Rusiyede yasaq etilgen ve ekstremistik sayılğan Milliy Meclis iştirakçisi derler. İslâm dinini kütseñ, terroristik teşkilâtnıñ azasısıñ ve seni 20 yıl apis cezasına mahküm ete bileler. Bütün bular Qırımda ola", - dedi Ceppar. 

Malümat olaraq 

• Tedbirde Türkiye TİN muavini Yavuz Kіran, Arnavutlıq baş naziriniñ apayı Lіnda Rama, İslâm işbirligi Gençler forumınıñ prezidenti Taha Ayhan, Nobel mukâfatınıñ laureatı Tavakul Karman, Lübnanda balalar, gençler, qadınlarnıñ ihtiyaclarınen oğraşqan Melek el Nimer, "Qızlarımıznıñ qaytaruvı" areketiniñ faali Ayşa Yusuf ve digerleri iştirak etti.
• İşğal etilgen Qırımda 191 bala babasız qaldı. 
• Rusiye, zemaneviy dünyada halqara aqnıñ eñ büyük bozucı ola - Körineviç