Talebelerniñ ana-babaları vaqianı aşkâr etmek içün kerekli instantsiyalarğa suracaat etecekler. 

Bunıñ aqqında Facebookta 4-nci sınıf talebesi Samira Aliyevanıñ anası Safinaz Aliyeva yazdı.

Oca talebelerge Ekinci cian cenkinde iştirak etken qartbaba-bitalar aqqında ikâyeler azırlmağa vazife bergen. Aliyevanıñ qızı, qartbabası cebede cenkleşkeni, pek yaralanğanı ve soñra evge qaytqanı aqqında aytıp bergen. 

"Qaytqan soñ, qartbabam ve bitam bütün qırımtatar halqınen beraber qırımdan sürgün etildi. Qartbabam sürgünlikte çoq yaşamadı, bir yıldan soñ öldi. Bitam ise beş balanen özün qaldı", - yazdı taleyüyeniñ anası. 

Onıñ bildirgenine köre, talebeniñ ikâyesinden soñ, oca sınıftaki 9 qırımtatar ve 7 slovân milletinedn olğan talebelerge muracaat etipaytqan: 

"Şimdi men sizge ne içün olarnı sürgün etkenlerini añlatırım. Olar hainler edi, olar nemselerge, işğalcilerge Qırımnı zapt etmege yardım ete ediler, şunıñ içün olarnı sürgün ettiler". 

Anınıñ añlatqanına köre, qızı birden qırımtatar olmağan sınıfdaşlarınıñ takaza etken baqışını is etken. 

"Aynı böyde şeyni, menim aqayıma telefon açqan diger balanıñ ana-babasından eşittim. Olarnıñ qız evge ağlap-ağlap kelgen. Balalarımız maneviy ve ruhiy zarar kördi. Biz mek açuvlımız. Ocanıñ böyle arektleri içün mesülietke çekilmesini isteymiz", -dep yazdı o. 

Malümat olaraq

• Qırımtatar halqı 1944 senesi quralaynıñ 18-nde Qırımdan, öz Vatanından sürgün etildi. 
• 2015 senesi Ukraina Yuqarı Radası qırımtatar halqınıñ sürgünligini genotsid olaraq tanıdı. 2016 senesiden başlap Qırımtatar halqı sürgünligini qurbanlarınıñ hatıra künü qayd etile. 
• Qırımtatarlarnıñ taqdiri aqqında film Türkiyede halqara festivalde baş mukâfatnı qazandı.