Bunı turistik agentlikler ağlarından birisiniñ baş müdiri Aleksan Mkrtçân RİA Novosti rus malümat agentligine tefsirinde bildirdi. 

“Al-azırda Qara deñiz yalısındaki, yıldızları dört ve yuqarı olğan palı musafirhanelerge eñ çoq talap bar. Bu yahşı, palı musafirhanelerde raatlanmağa alışqan adamlar, Qıbrız, İspaniya ya da Türkiyege ketip olmağanları içün ola”, - dedi o. 

Onıñ aytqanına köre, Uzaq Şarqtan çoq turistler olacağı beklenile. Baş müdir bunı böyle añlata, yani turistler Qırım ve Krasnodarğa ilk sefer keteler, çünki koronavirus sebebinden olar içün alışılğan yerler, Çin, Tayland, Koreya, Yaponiya kibi memleketelr şikdilik irişilmez. 

Onıñ qayd etkenine köre, böyle olacağını evelden tahmin etken şirketler bu vaziyetten öz faydasını körecek. 

Bundan ğayrı, ucuz raatlıqnıñ fiyatı köterilmeycek, dep bildire. Kelirleri yüksek olmağan Rusiye turistleri raatlıq içün çoq para bermege azır degil. Şunıñ içün, ufaq musafirhaneler fiyatlarnı kötrmez.

Malümat olaraq

• Evel işğal etilgen Qırımnıñ başı Sergey Aksönov, oraq ayınıñ 1-den başalap Rusiyeden turistler yarımadağa barıp olacaqlarını bildirgen edi.