Bu aqta işğal etilgen Qırımnıñ başı Sergey Aksönov Facebook saifesinde bildirdi. 

Onıñ malümatına köre, üç hasta epidemiologik tahqiqat ve laborator skriningi neticesinde qayd etildi. 32 insan  laborator skriningi neticesinde. Bütün hastalar hastahanege alındı, alâqada olğanlar belli, profilaktika tedbirleri yapıla. 

İşğal etilgen Aqyar ükümetiniñ matbuat hızmetiniñ bildirgenine köre, tünevin yerli hastahanede 90 yaşındaki hasta qadın elâk olğan. Sürekli hastalıqları ve ağır pnevmoniyası bar edi. 

Bunıñnen beraberlikte işğal etilgen Aqyarda 5 yañı koronavirus hastası qayd etildi. Üçü hastlanğan qurucılarnen alâqada olğanlar, daa birisi çetelden qaytıp kelgen şahıs ve bir pensioner. 

Belli olğan malümat

• Yılnıñ başından işğal etilgen Aqyarda 228 koronavirus hastası qayd etildi, 176 tedaviylendi. Al-azırda yerli yuqunç hasthanesinde ekimlerniñ nezareti astında 113 hasta buluna, №9 şeer hastahanesinde 70 adam, 905 yaşağan yerinde. 
• Kiraz ayınıñ 27-nden işğal etilgen Aqyarğa kiriş noqtaslarında 621 adamğa test yapılğan. 
• Qırğınlıq başlanğanından berli işğal etilgen Qırımda 681 hasta qaydğa alındı, 478 tedaviylen.