Qırımlı Nariman Aliyev ve Maşa Yefrosinina Ukraina devlet mukâfatları ve unvanlarını qazandı
20:44, 27 Kirazay
Foto menbası: Telekritika
Ukraina prezidenti Volodımır Zelenskıy Ukraina Anayasa Künü munasebeti ile belli yırcılar, sanatçılar, alimler ve sportçılarnı devlet mukâfatları ve unvanlarınen taqdirledi. Bu cedvelge alıpbarıcı Maşa Yefrosinina ve qırımtatar rejisörı Nariman Aliyev de kirdi.
Buña binayen qarar Prezident Ofisiniñ saytında yayınlandı.
Böyle etip, Nariman Aliyevge “Ukrainada nam qazanğan medeniyet erbabı” unvanı, Maşa Yefrosininağa ise “Fazilet içün” III derece mukâfatını aldı.
Facebook saifesinde yañı unvanını tefsir etken Aliyev, “Kirli çoraplar arasında temiz soyunu qıdırğanda böyle haberler kele. Endi maña Nariman “Ukrainada nam qazanğan medeniyet erbabı” Aliyev dep muracaat etebilesiñiz”, - dep yazdı.
Malümat olaraq
- Nariman Aliyev - qırımtatar rejissörı, stsenarist, “Qırım ikâyeleri” qısqa filmleriniñ yaratıcısı. Öz işlerinde o, aile munasebetleri, ananeler ve içtimaiy-turmuş meselelerni köstere. Onıñ “Evge” filmi “Eñ yahşı film” nominatsiyasında Kinokolo mukâfatını qazandı ve Boğazici film festivalinde birincilikni aldı. Bunen beraberlikte film “Oskar” mukâfatınıñ long listine kirsetildi.
- Maşa Yefrosinina - alıp barıcı, cemaat erbabı. Keriçte doğdı. İşgalden soñ Qırımğa baqmay. Sözde referendum ve yarımadanıñ işgalini tanımay. Rejissöz Oleg Sentsov daa apiste olğanda, ona daima destek kösterdi.
