Bu aqta Yasko “Ukraina” telekanalındaki teleyayın vaqtında aytıp berdi. 

“Şimdi parlamentte yapılğan teşebbüs aqqında aytıp bermege isteyim. Bu işğalniñ tanılmamasına dair bir qanun leyhası. Rusiye propagandası cemiyetimizni ekige bölmege tırışa. Bizde Moskvağa barıp, Qırımnıñ işğaligi desteklegen çoq kişi bar. Menimce, Ukrainada böyle insanlar içün cinaiy mesüliet olmak kerek. Bu insanlar atta Ukraina ükümetinde de bar”, - dep, qayd etti Yasko.

Bunen beraberlikte o, eger de Ukraina milliy menfaatlarını qorçalap, kerçekni açıqlap olsa, “Putinge qarşı antivirus da tapıp” olacağını belgiledi. 

Malümat olaraq

• Mayısnıñ 19-nda Ukraina Parlamentinde çıqışta bulunğan Yelizaveta Yasko, işgal etilgen Qırımda qırımtatarlarğa qarşı basqı ve olarnıñ mecburiy şekilde başqa yerlerge yerleştirilmesi aqqında söz yürsetti. O, episi fırqalarnı ep birlikte Qırımnıñ azat etilmesine areket etmege çağırdı. 
• Ukraina Yuqarı Radası 2014 senesi fevralniñ 20-ni Qırım Muhtar Cumhuriyeti ve Aqyar şeeriniñ Rusiye tarafından işgal etilüv künü olarak ilan etti. Dünya toplulığı Qırım işgalini qanunsız olaraq tanıp, Rusiyeniñ areketlerini takbih etti. Ğarp memleketleri Rusiyege qarşı bir sıra yaptırımlar kirsetti.