UA:Qırımğa tefsirinde o, bu yasağınıñ öz körüvini tarif etti. 

“Belli olğanı kibi, 18-ci senesi RF büyük sanktsiya cedveli bar edi, bu cedvelge, RF-ğa kelmege yasaq etilgen 365 ukrain siyasiy erbabı kirsetilgen edi. Qırımnı olar Rusiye Federatsiyası dep sayalar. Yani, olar, 18 senesi sanktsiyalar cedveline alıp kirsettiler, amma angi müddetine yasaq etkenlerini qayd etilmegen edi. Armânsktaki makeme ceryanına köre, saban aynıñ 5 5 yıllıq müddeti bitmek kerek edi, amma olar onı daa 15 yılğa (2034 senege qadar) devat ettiler”,-tarif etti Cemilev.

Daa qayd etti ki, yasağınıñ böyle devamlılığı, ölüm olğan taqdirde tuvğan toprağında defin etüvine izin bermemesiniñ sebebi ola. 

“2034 senesine qadar  bu işğal olmaycağı kibi  endi çoqtan sağ qalmaycağımnı diqqatqa alsaq, ölsem, vatanıma kirsetmemege sebebinden bunı yapqanlarını dep tüşünem”,-qayd etti qırımtatar halqnıñ lideri. 

“Hatırlayım ki, 78 senesi, 82 yaşında olğan belli uquq qoruyıcı Vladimir Şelkovnı mahküm ettiler. Onı, 20 asırınıñ eñ büyük hristian insanperveri dep adlay ediler. 2 yıl soñra Tabagodaki yakut lagerinde vefat etti. Soy-soplar, onı hristian adetlerine köre kömmek içün, cesetiniñ alıp berilmesine irişe ediler. Gebistler bermey edi. Bu gebistlerden sordım: - “İnsannıñ ölüminden soñ onı ne içün hor köresiz?”. “O, müddetni daa keçirmedi”,-dep cevap berdiler. O, lager mezarlığında defin etilgen. Böyle ameliyat. Buna köre, belki, işğalcılar, Qırımda cenazem nege ketire bilecegini añlaylar. Bunı bilip, böyle qarar berdiler, ğaliba”.-qayd etti Cemilev.

Bundan da ğayrı, malümatlar, insan aqları boyunca Avropa makemesi içün azır olğanlarnı dep qoştı. 

“Amma bilgeniñiz kibi, Rusiye, İAAM qararlarına qullaq asmaycağına qarar berdi”,-yekün çekti Mustafa Cemilev. 

Belli olğanı

• İşğalcılar, Cemilevge 2034 senesine qadar Qırımğa kirüvini yasaq ettiler.
• Rusiye, 2014 senesi yarımadanıñ işğalinden soñ Cemilevge Qırımnı ziyaret etmege yasaq etti, amma bu yasağınıñ müddeti 2019 senesi çeçek aynıñ 19 soñuna yetken. 
• Armânskta, Cemilevge qarşı makeme oturuşlar keçe.