Prezident ofisinde parlamentke işlep çıqarılğan vesiqanıñ alıp berüvinen ileride de keçiktirseler, halqara deputatlarnıñ, Yuqarı Şurasına “Siyasiy mabuslarnıñ qoruvı aqqında” yañı qanun leyhasını alıp bermege niyeti bar.

Bunıñ aqqında UA:Qırım’ğa tefsirinde IX çağıruvnıñ Ukrainanıñ halq deputatı, qırımtatar halqnıñ Meclis baş muavini Ahtem Çiygoz ilân etti. 

“(İnsan aqlar, işğal etilgen territoriyalarnıñ deokupatsiya ve reintegratsiyası, milliy azlıqlar ve halqara munasebetler meselesi boyunca Yuqarı Şurasınıñ) komitetinde bu meseleni teşebbüs etecegimizni böyle fikir bar. Daa bir qaç afta, bir ay beklep, olarnen añlaşmasaq, teklif etecegimiz”,-dedi Çiygoz.

Daa hatırlattı ki, 2019 senesi 8-ci çağıruvınıñ Yuqarı Şurası “Siyasiy mabuslarnıñ qoruvı aqqında” qanun leyhasını ilk oquvında qabul etken edi. Parlamentniñ yañı terkibi vesiqa üzerinde daa yahşı çalışıp umumen rey bermek kerek edi. Amma  Vladimir Zelenskiyni devlet başı olaraq seçip aluvından soñ Prezident ofisi vesiqanı red etti. 

Belli olğanı

• Saban aynıñ 3 UA:Qırımğa tefsirinde prezidentniñ daimiy vekili Anton Körineviç ilân etti ki, “Siyasiy mabuslarnıñ qoruvı aqqında” yañı qanun leyhası Prezident ofisine alıp berilgen, anda ise uzun müddet içinde bulunmaqtadır. Vekilâthanede ümüt etkenleri kibi, bu qanun leyhası Yuqarı Şurasına oğrap halq deputatlarnen qabul etilecek. 
• Kremlniñ sabıq mabusları “Mabuslarnıñ azat etilmesi” grajdan platformasını taqdim ettiler.