Bunıñ aqqında o, "1+1" telekanalınıñ “Akimiyet aqqı” tok-şounıñ canlı yayısında dep aytqan. 

“Uvutnıñ 28 Aleksandr Turçinovnıñ mandatınen Petro Poroşenkonen aynı kününde Aqmescitke keldik. Farqlı uçaqlar ile, amma aynı bir künde. Meni sayğı ile qarşıladılar, Poroşenkonı ise Qırımnıñ Yuqarı Şurasınıñ ögündeki meydanında neni tek aytmayım aqaret ettiler, çünki onı anda satqın dep saya ediler”,-tarif etti Şüfriç. 

Daa tarif etkeni kibi, 2014 senesi saban ayında  baş prokuraturasınen devlet hainliginde qabaatlanılğan Vladimir Konstantinovnen kerçekten de körüşken edi. 

“Çoq şey aqqında añlaşqan edik, amma, afsus ki, teşkil etilmege yetiştirmegen Ukrainadaki akimiyetiniñ farqlı çeşitlerniñ tertipsizligi sebebeinden kelecek künü Konstantinov ve Aksönovğa qarşı cinaiy davası açılğan edi”,-qayd etti Şüfriç. 

Bundan da ğayrı, siyasetçi, o vaqıt Rusiyeniñ liberal-demokratik fırqasınıñ liderinen körüşken edi. 

“Jirinovskiynen kerçekten de körüşken edim. Onı Aqmescitten suniy tarzda yibermegenini körgende, Paşinskiyge onı evge yibermege ricasınen muracaat ettim. Çünki saba saat 11 qadar ava boşluğını qapatqan ediler, tek Poroşenkoğa ve maña kelmege izin berdiler. Ukrain devletiniñ reberinden uçıp kelgenimni bilgen ediler ve o zaman, Jirinovskiyge evge qaytmağa daa yahşı olur dep qarar berdiler. Onsız da er şey kerginleşe edi”,-yekün çekti halq deputatı. 

Belli olğanı

• Ukraina Yuqarı Şurası, Qırımnıñ vaqtınca olğan işğaliniñ başlanuv kününi resmiy şekilde 2014 senesi uvut aynıñ 20 kününi ilân etti. 
• Ğarp ülkeleri Qırım işğalini tanımayıp Rusiyege qarşı sanktsiyalarnı kirsettiler. 
• Ukraina Silâlı quvetlerniñ Baş ştabınıñ sabıq reberi general-polkovnik Vladimir zaman Mudafaa nazirliginiñ resmiy cevabını yayınladı, oña binayen, 2014 senesi, Qırımnıñ işğalnıñ eñ qızğın vaqıtta Ukraina prezidentiniñ vazifelerni vaqtınca icra etken   Aleksandr Turçinov, rusiye işğalcılarına qarşı silânıñ qullanuvı aqqında yazılı emirlerni bermegen edi.