Filmdeki çekişleri aqqında yırcı öz Facebook saifesinde aytıp berdi.

Camalanıñ aytqanlarına köre, 2019 senesi oraq ayında,o, Amerika rejissörı ve stsenariycisi  Devid Dobkin ve Amerika prodüsseri ve stsenariycisi Uill Ferrellden "Eurovision" aqqında filmde iştirak etmege davet alğan. 

“2016-Eurovision” ğalibi öz teessuratlarınen paylaşıp, çekişler vaqtında er şeyden ayrette qalğanını bikdirdi. 

“Qadimiy qalege birinci kere kirgende, bu masal olğanı kibi köründi. Er şey acayıip edi. Aktörlar, iştirak etkenler, er şey ve er kes öyle dülber edi ki. Operator Denni Koyen ve rejissör Devid Dobkin ne körmege istegenlerini pek tafsilâtlı añlattılar”, - yazdı Camala. 

Yırcınıñ bildirgenine köre, çekişler vaqtında, o, "Eurovision" yarışında iştirak etken eñ parlaq yırcılarnen körüşken. 

“Menim sevimli Loreen, Elina Nechaeva, onen beraber çekişlerden soñ oğlum Emir içün oyuncaq qıdırıp, bütün Oksford soqağını keçtik. Açıq yürekli Rıbak, külünçli Netta... Böyle insanlar arasında olmaq pek güzel edi!”, - qoştı Camala. 

Belli olğan malümat

• "Eurovision": The Story of the Fire Saga" filmi island muzıka dueti aqqında ikâye ete (Larsa Yerіksong ve Sіgrіt Yerіksdottіr).
• Filmniñ ilk kösterilmesi 2020 senesi quralayında olmaq kerek edi, ama koronavirus sebebinden bellisiz vaqıtqa qaldırıldı. 
• 2016 senesi quralaynıñ 16-nda Camala "1944" yırınen  “2016-Eurovision” ğalibi oldı.