Bunıñ aqqında prokuraturanıñ matbuat hızmeti bildire.

Qayd etilgeni kibi, şübe astında olğanı Rusiye vatandaşıdır. 2018 senesi “arbiy komissarı” vazifesini aldı. Bu vazifede bulunaraq rusiye ordusına qırımlılarnıñ qanunsız çağıruv kampaniyalarnı keçire edi. Endi onı 12 yıl müddetine qadar apis cezası bekley. 

“Şubeli, işğalcı devletiniñ yuqarı idaresiniñ qanunsız “emirlerni” amelge keçirip planını işlep çıqarıp uyğun rayonlarında qırımlılarnıñ 5 çağıruv kompaniyasını teşkil etken. Qayd etilgen areketler, Jeneva şartname yasağınıñ bozuluvıdır”,-deñile beyanatta.

Daa prokuraturada qayd etilgeni kibi, işğalcılar, Rusiye ordusında hızmet etmege red etken qırımlılarnıñ cinaiy taqip etüvini qullanalar.

“Soñki altı yıl içinde böyle şahıslarnıñ miqdarı bayağı arttı. Qayd etilgen areketler halqara gumanitar aq qaidelerni qaba tarzda bozıp Roma statusına binayen arbiy cinayeti olalar”,-dep qoştılar uquq qoruyıcılar. 

Belli olğanı

• Ukraina telükesizlik hızmeti, Ukraina milliy telükesizlik ve mudafaa esaslarına, onıñ territorial bütünligine qast etüvine ve Qırımnıñ işğal etüvi vaqtında terrorizmge qarşı cinayetlerniñ yapıluv aqiqatlar boyunca 22,7 biñden ziyade cinaiy davanı açqan. 
• Qırım MC prokuraturası, Çiygoznıñ ömür arqadaşınıñ evindeki qanunsız tintüvi sebebinden “tahqiqatçını” şübe aqqında haberdar etti.