O, Kiyevde olarnıñ umumiy matbuat konferentsiyası içinde olıp keçken edi.

“Qırımnıñ qanunsız işğaliniñ tanımamasına dair AB-niñ ardı-sıra olğan siyaseti içün teşekkürler bildirem. Bunen beraber, daa çoq tesirli halqara areketleri lâzim. Qırım meselesi halqara kün tertibine çıqarılmaq kerek. Arman aynıñ 23 Kiyevde keçecek olğan Qırım platformasınıñ sammitini keçirmege teşebbüsinen çıqışta bulundım”,-tarif etti Ukraina Prezidenti. 

Zelenskiyniñ sözlerine köre, işğal etilgen Qırımdaki vaziyetler ve insan aqlarnıñ muntazam bozuluvlarına dair Ukraina ve Avropa Birliginiñ qıymetlendirüvleri aynı. 

“Keçende AB insan aqlarnıñ bozuluvları içün yañı teren sanktsiyalı rejimini qabul etti. Buna köre, işğal etilgen Qırım yarımadasında cinayetlerni yapqanlarına dair aynı sanktsiyalarnı kirsetmege teklif ettim. O, Qırım platformasınıñ faaliyetine Brükselniñ büyük bir issesi ola biler edi”,-qayd etti Vladimir Zelenskiy. 

Öz nevbette, Avropa şurasınıñ prezidenti tarif etkeni kibi, “tünevin Donbassta Zelenskiy prezidentinen bulunıp, Ukrainanıñ halqara ortaqlarnen qoyulğan bütün küç-quvetlerni kördim”. 

“İnsan aqlar qoruvınıñ müim bir mevzusına esaslanıp avropa seviyesinde yañı sanktsiyalı rejimini qabul ettik ve atqanıñız bozuluvlar içün sanktsiyalarnı kirsetmege ilk sefer qarar berdik. Yani, qattı mevamımız olsun dep, insan aqlarnı qorumaq içün, meraqlarımıznı da imaye etmek içün Avropada toplandıq”,-qayd ete Şarl Mişel. 

Belli olğanı

• Ukraina, "Coop Himmelb(l)au" avstriyalı mimar bürosına ve Rusiyenen Aqyardaki operalı teatrnıñ quruvı sebebinden onıñ reberligine dair  sanktsiyalarnıñ amelge keçirilüv ceryanını başladı..
• Ukraina Avropa Birligine, Rusiyege qarşı sanktsiyalarnıñ yañı cedvelini alıp berdi. .
• Avropa Birliginde, Qırım işğaliniñ yedinci yıllığına bağışlanığan beyannamesini yayınlağanlar.