Bunı “Ґрати” bildire.

Qayd etilgeni kibi, Prihodkoğa 110 biñ ruble miqdarında (37,6 biñ grn)  cöreme tayin etilgen.

Bundan da ğayrı, makeme, ukrain tarafdarı olğan faalni yararlıq müddetiniñ bitüvinen bağlı patlayıcınıñ saqlanuvı aqqında maddesi boyunca cezalanuvından azat etti. 

Rusiye makemesi, prokuror Sergey Aydinovnıñ talaplarnı qısmen qabul etti, bunıñ aqqında Facebook’ta ukrain ombudsmeni Lüdmila Denisova yazğan.

“Oleg Prihodko, qanunsız cezalavınıñ beş yılnı qattı nizamlı tevqifhanesinde keçirmege mecbur olacaq. Rusiye makemesiniñ qanunsız ükümnı mahküm etem ve bunı, onıñ ukrain tarafına qol tutqan mevamı içün işğal akimiyetiñ intiqamı dep tüşünem, çünki o, Rusiyege Qırımnıñ qoşulmasını açıq tarzda  qanusız dep adlağan edi”,-ilân etti Denisova.

Daa hatırlattı ki, Prihodkonıñ ağır sürekli hastalıqları bar ve o, “boyle tutuv şaraitlerine dayanıp olamaycağına olması mümkün”. 

Bugün, saat 20:05’te  UA: Qırım’da  Öleg Prihodkonıñ ükmüne dair “Kün mevzusı”nıñ mahsus yayını ötkerilecek. 

Belli olğanı

• İlk qış aynıñ 16 Cenübiy bölük makemesinde prokuror, qırımlı Öleg Prihodko içün azatlıqtan 11 yıl müddetine marum etüvini ve 200 biñ ruble cöreme istedi. 
• Qırımlı Öleg Prihodkonı işğal FTH yarımadada 2019 senesi orta küz aynıñ 9 yaqaladı. İşğal makemesi Prihodkoğa yarımadadaki terraktlarında qabaatlay. Prihodko qabaatlavlarnı red etip, onı ukrain mevamı içün tevqif etkenlerinde inandıra. 
• 2020 senesi çeçek aynıñ başlanuvında o, Aqmescitten Rostov-na-Donuğa yollanılıp ale daa anda bulunmaqtadır. 
• 2020 senesi 28 mayıs Rostov-na-Donudaki Cenübiy arbiy bölük makemesinde onıñ cinaiy işniñ baquvı başlanğan.