Ukraina RF üzerinde diplomatik ğalebe qazandı: BMT Baş Assambleyasındaki munaqaşalardan müimi
Kiçik aynıñ 23-nde BMT Baş Assambleyasında işğal etilgen topraqlardaki vaziyet aqqında munaqaşalar olıp keçti. Ukraina bir kere daa bütün dünyağa Rusiyeniñ işğal etilgen Qırım ve Donbastaki cinayetleri ve ukrain topraqları işğalden azat etilmegence quvette qalmaq kerek olğan sanktsiyalar aqqında hatırlattı. Aynı zamanda Ukrainağa dünyanıñ esas memleketleri qoltuttı, Rusiyege ise "müim"lerden tek Venesuela ve Suriye.
Ukrainanıñ RF üzerinde diplomatik ğalebesi aqqında kiçik aynıñ 24-nde Ukraina Yuqarı Radasınıñ millet vekili Öleksiy Gonçarenko Facebookta haber etti.
Gonçarenkonıñ bildirgenine köre, Ukrainağa dünyanıñ esas memleketleri ve blokları qoltutqan – ABD, AB, Kanada, Baltıq memleketleri ve digerleri, Rusiyege ise "müim"lerden tek Venesuela ve Suriye.
"Munaqaşalar Ukraina demokratik dünya tarafından desteklengenini ve Qırım ve Donbas meseleleri alâ daa kün tertibinde olğanını kösterdi. Bizim semereli areketlerimiz öz neticesini berdi – Navalnıy sebebinden Rusige ve Lukanşenkonıñ rejimine qarşı qoblğan sanktsiyalar buña delâlet ete. Devam etemiz", - dep qayd etti o.
O, Rusiye delegatsiyasınıñ başı Vitaliy Çurkin munaqaşalarğa kelmegenini ve özüniñ yerine muavini Dmitriy Polnâskiyni yollağanını qayd etti. Polânskiy ise öz nevbetinden "Donbastaki vatandaş cenki" ve "Rusiyeniñ Qırım" aqqında masallar oquğan.
"Rusiyeniñ Ukrainağa qarşı tecavuzı aqqındaki masallar Kıyivge ve onıñ ğarp ortaqlarına memleketteki vatandaş cenki içün mesüliet kim taşıycağı ile bağlı meseleden qaçınmağa yardım ete. BMT-niñ kerçekliten sıq-sıq uzaqlaşqanı aqqında aytqanlar olsa, bugün böyle bir "uzaqlaşma"nıñ tam misalidir", - dedi Polnâkiy. Bunı TASS Rusiye agentligi haber etti.
"Amerika sesi" haber etkenine köre, bundan ğayrı, Polânskiy öz çıqışında Kremlni işğal etilgen topraqlarğa insan aqları missiyalarınıñ közeticilerini yibermege çağırğan alman diplomatı Kristofer Goysgenge de muracaat etken.
Aynı zamanda Ukrainanıñ BMT-daki daimiy temsilcisi Sergiy Kıslıtsâ öz çıqışında Baş Assambleya "Qırım meselesi qapalı" olğanı aqqında "Rusiye mantrası"nı qabul etmedi ve etmeycegine inandırdı.
Öz nevbetinden ABD-niñ BMT-daki daimiy temsilcisiniñ vazifesini vaqtındaj icra etken Riçard Mills, Rusiyeniñ Ukrainıñ şarqındaki areketleri 13 biñden ziyade adamnıñ ölümine ve al-azırda gumanitar yardımğa muhtaca olğan 3,4 million ukrainniñ avuştırılmasına sebpep olğanını ayttı.
Bundan ğayrı o, ABD Rusiye taarfından Qırımnıñ işğalini iç bir vaqıt tanımaycaq ve tecavuzı sebebinden qoyulğan sanktsiyalar siyasetini deñiştirmegence quvette qalacaq, dep qayd etti.
Malümat olaraq
- Türkiye BMT-da qırımtatarlarnıñ toprağında serbest yaşamağa istegine destek bildirdi.
