Rusiye işğal etilgen Qırımda özek qudretini arttıra – Kuleba 

Глянько Катерина
·
14:58, 23 Kiçikay
Rusiye işğal etilgen Qırımda özek qudretini arttıra – Kuleba 
Foto menbası: МЗС України

Ukraina TİN başı Dmıtro Kuleba 2021 senesi Silâsızlaştıruv konferentsiyasındaki çıqışı vaqtında iştirakçilerniñ diqqatını, Rusiye işğal etilgen Qırımda özek qudretini arttırğanına çekti. 

Bunı kiçik aynıñ 23-nde Ukraina TİN matbuat hızmeti haber etti. 

Kuleba, yarımadanıñ işğalini ve Donbasnıñ ayrı bölgelerinde Rusiye başlağan silâlı çatışmanı Avropağa arbiy cayılma telükesi kibi saymağa çağırdı. 

"Rusiyeniñ Ukrainağa qarşı melez tecavuzı Özek silâsınıñ tarqalmaması aqqında añlaşma, Bakteriologik (biologik) ve zeerli silâlarnıñ işlep çıqarılması ve olarnıñ mahv etilmesi aqqında şartname, Muayyen silâ türlerini qullanuvınıñ yasaq etilmesi aqqına şartname esasındaki global telükesizlikni boza", - dep qayd etti o. 

Nazir, Ukrainanıñ özek silâsınıñ tarqalmaması aqqındaki Añlaşmanıñ iştirakçileri olğan özek silâsı olmağan devletler içün tesirli telükesizlik kefaletini berecek universal bir vesiqanıñ azırlanılmasında iştirak etmege azır olğanını bildirdi.

Malümat olaraq

  • Ukraina kosmik merkezi, Rusiye Qırımda arbiy bulunuvını arttırğanını kösterdi. 
  • Rusiye işğal etilgen Qırımnı bir büyük arbiy bazağa çevirilme esnasını er taraflı şekilde donata – Ukraina TİH. 
  • Ukraina, Rusiyeniñ özek silâsını işğal etilgen Qırımda yerleştirme telükesi aqqında bildirdi.