Qırım MC prokuraturası Çiygoznıñ apayınıñ evinde qanusız tintüv sebebinden "tahqiqatçığa" şübe bildirdi

Глянько Катерина
·
13:03, 23 Kiçikay
Qırım MC prokuraturası Çiygoznıñ apayınıñ evinde qanusız tintüv sebebinden
Foto menbası: УНІАН

Qırım MC prokuraturası Qırımtatar Milliy Meclis reisiniñ muavini Ahtem Çiygoznıñ apayınıñ evinde qanusız tintüv sebebinden "tahqiqatçığa" şübe bildirdi (Ukraina CQ 162 maddesinin 2-nci qısmı). 

Bunı kiçik aynıñ 23-nde QMC Prokuraturası Facebookta bildirdi. 

Haber etilgenine köre, şübeli Qırımnıñ "Baş tahqiat idaresi bölüginiñ tahqiqatçı" vazifesinde bulunıp, öz areketlerinen yarımadanıñ ukrain tarafdarı ealisini taqip etken. 

"İşğalci devletniñ diger qanun qoruyıcı organları ile beraberlikte, maneviy tazyıq etip, şübeli Qırımtatar Milliy Meclis reisiniñ muavini Ahtem Çiygoznıñ apayınıñ evinde qanusız tintüv keçirdi", - dep yazıla bildirmede. 

Qanunsız tintüv vaqtında işğalciler tehnikanı, şahsiy şeylerni, vesiqalarnı ve para tutıp alğanlar. 

Şübeli qıdıruvğa ilân etildi. 

Malümat olaraq

  • 2020 senesi Qırım MC prokuraturası, Qırımtatar Milliy Meclis reisiniñ muavini Ahtem Çiygoznı taqip etken 25 kişige şübe bildirdi. O, 2014 senesi kiçik aynıñ 26-nda Qırım Yuqarı Şurasınıñ binası yanında olıp keçken miting vaqtında kütleviy nizamsızlıqlar teşkil etkeninen qabaatlanğan edi. 
  • Qırım MC prokurorı İgor Ponoçovnıynıñ sözlerine köre, "kiçik aynıñ 26" cinayet davası ve "Qırım-Ukraina" aytqanukrain tarafdarı faallerine berilgen ükümler – işğalciye devletniñ "ceza maşinasınıñ" parlaq misalidir.