Bunı Ukraina telükesizlik hızmetiniñ matbuat hızmeti haber etti. 

Berilgen malümatqa köre, erkek işğal etilgen Qırımdan Ukrainağa kirecekte yaqalanılğan. UTH operativcileri onı  yoqlav keçitinde yaqalap, kimligini belgilegenler. 

Ukraina telükesizlik hızmetiniñ bildirgenine köre, 2014 senesi baarde şübeli Qırımnıñ işğline yardım etken "Aqyar avtokanalı" cemaat birleşmesine qoşulğan.  

Ayrıca, Qırım samooboronası adlandırılğan bir birleşmeniñ erkânında  olıp, Qırımnıñ işğalci parlament saylavlarında saylav bölüginde közetici olğan ve yerli sakinlerni rey bermege çağırğan. 

Bundan ğayrı Ukraina telükesizlik hızmetinde, şübeli "Rusiye baariniñ 5 yıllığı munasebeti ile" medal ile mukâfatlanğanı aqqında malümat bar. 

Şimdilik şübeli tevfqif etildi. Ukraina CQ 100 maddesiniñ 2 qısmına binaen (Ukraina topraq bütünligine qast etüv) mahkemeden evel tahqiqat devam ete. 

Malümat olaraq 

• Ukraina telükesizlik hızmeti Harkivde Rusiye arbiy istihbaratınıñ agentini yaqaladı. 
• Harkivde Ukraina telükesizlik hızmeti RF mahusus hızmetlerine çalışqan yerli sakinni yaqaladı. 
• Ukraina telükesizlik hızmeti Çerkası vilâyetinde "LNR" birleşmesi komandanınıñ üstüni açtı.