Bunı baş Ukraina baş naziriniñ muavini, Ukrainanıñ vaqtınca işğal etilgen topraqlarınıñ reintegratsiya meseleleri naziri Oleksiy Reznikov kiçik aynıñ 20-nde BMT aza devletleri içün brifing vaqtında ayttı. 

"Qırımda total arbiyleştirüv. Rusiye onı Balqanlarğa, Yaqın Şarqqa ve Aq deñiz bölgesine cayılma içün qullana. Libiya ve Suriyedeki cenklerde rus ücretli askerlerniñ iştiragi Qırımdan temin etile", - dedi Reznikov. 

Onıñ aytqanına köre, Rusiye Qırım ealisini deñiştirip büyük bir cinayet ete ve cenk vaqtında arbiy olmağan ealiniñ qoruvı aqqında Şarnameni boza. 

"Anda (işğal etilgen Qırımğa – muar.) RF-dan 500 biñden ziyade adam avuştırıldı. Bu qavmiy ukrainler ve tamır qırımtatar halqınıñ sayısını azlaştırmaq içün yapıla. Muvaqqıt işğal devamında endi ealiniñ 25 faizi deñiştirild", - qayd etti o. 

Ealiniñ keskin tarzda artması ve kütleviy arbiy quruluv, suvnıñ varvarca qullanılmasına, suv teminatınıñ aqsamasına ve Qırımnıñ unikal ekosistemasınıñ yoq etilüvine sebepçi ola. 

"Bu sadece Ukraina ögünde peyda olğan telükeler degil. Eñ azından Avropa kütlesinde. Ve bu telükelerniñ sebebi – Rusiyeniñ tecavuzı", - dedi nazir. 

Malümat olaraq

• Aralıq ayınıñ 16-nda BMT Baş Assambleyası işğal etilgen Qırımda insan aqları vaziyeti aqqında yañartılğan ve quvetleştirilgen qararnı qabul etti. 
• Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.