Bunıñ aqqında Qırım MC-de Ukrainanıñ sabıq daimiy vekili Boris Babin tarif etti, bildire OBOZREVATEL.

“Ukrainanıñ mesuliyet zonasında Qara deñiz üzerinde er bir üçüv Aqmescitten koordinatsıya olınğan edi. İç bir halqara teşkilâtı, Aqmescit ava limanından avia aqımlarnı idare etmege Rusiye artından olğan aqnı tanımay”,-añlattı o.

Qayd etilgeni kibi, Ukraina NATO’ğa işğal etilgen Qırım üzerinde üçmağa izin bere.

“Çünki ale daa, halqara ava aqqına köre, o, Ukrainanıñ mesuliyetlik zonasıdır”,-qayd etti Babin.

Daa qayd etkeni kibi, Ukraina, Qırım üzerinde NATO aviatsıyasını uçmağa davet etkeni aqqında deñilmey. O, bunıñ etmesine tek izin bere.

Aynı zamanda, NATO uçaqları işğal etilgen ukrain yarımadasına 12 milden daa yaqın yaqınlaşmaycaqlarını farz etti.

“Rusiye Federatsıyası, olar bir yerge kirgeni aqqında añlav aqımını qapatsıñlar dep, olarnıñ, Qırımdan yalısına qadar 12 milden daa yaqın kirmesi lâzim. Qırımdan 13-ci milâsında uçsalar, Rusiye tişlernen ğıcırdap, bizim qaramaniy uçucımız olarğa avada incir köstergenini aytabileler. Amma ne aqiqaten, ne de uquqiy tarafından bir şeyni yapıp olamaz”,-yekün çekti diplomat.

Belli olğanını 

• 2021 senesi baarnıñ soñunda yaznıñ başında Kaliningrad ve işğal etilgen Qırım territoriyasınen beraber 12 ülkesiniñ territoriyasında "Defender Europe - 2021" Şimaliy atlantik bağlaşımınıñ eñ kütleviy areketleri keçecek.