Bunı TİN matbuat hızmeti bildire. 

“Bu areketler nevbetteki sefer Moskvanen halqara gumanitar uquqnıñ esas qaidelerniñ, işğalcı-akimiyet olaraq öz vazifelerniñ, siyaset ve din saalarında başqa tarzda fikir etüviniñ  ve vaqtınca işğal etilgen ukrain territoriyasında uquq qoruyıcı faaliyetiniñ muasara etilmesiniñ yoq etilmesi içün qanunsız quvet usullarnıñ qullanuvına azırlıqnıñ körmemezlikke uruvını köstereler”,-qayd etti Ukraina tışqı işler nazir muavini Emine Ceppar. 

Daa TİN-de Rusiyege,  öz halqara-uquqiy vazifelerni insaflı şeklinde amelge keçirmege mecburiyetleri aqqında nevbetteki sefer hatırlattılar.

“Vaqtınca işğal etilgen territoriyalarında RF-nıñ qanunsız faaliyeti aqqında , ayrıca, qayd etilgen qanunsız tintüvler ve tevqifler vaqialarına dair malümatı Ukrainanen 2021 senesi uvutnıñ 23 “Ukrainanıñ vaqtınca işğal etilgen territoriyalarındaki” vaziyeti” kün tertibindeki maddesinden munaqaşalar vaqtında BMT Baş Assambleyasındaki sessiyasınıñ baquvına çıqarılacaq”,-deñile beyanatta. 

Ukrain diplomatlar halqara ortaqlarnı vaqtınca işğal etilgen Qırımda Rusiye Federatsiyasınıñ qanunsız areketlerine kerek olğan qıymetini kesmege çağıralar. 

Belli olğanı

• Qırım MC-de Ukraina prezidentiniñ vekâlethanesi işğal etilgen Qırımda işğal FTH-nen qırımtatarlarnıñ  tintüvler ve tevqiflerni mahküm etti.
• QMC ve Aqyar prokuraturası, işğal etilgen Qırımda musulmanlarnıñ kütleviy tintüvler sebebinden cinaiy davalarnıñ açıluvı aqqında bildire.
• Saba  saat dörtten itibaren işğal etilgen Qırımda Qarasuvbazar, Bağçasaray, Aqmescit, Aqyar ve Sovetskoye rayonında yañı kütleviy tintüvler keçti. 6 insannıñ tevqifi aqqında belli.