Rusiye tecavuzcılar gece qırımtatarlarğa tintüvlernen keldiler

Присяжнюк Владислава
·
08:21, 17 Kiçikay
Rusiye tecavuzcılar gece qırımtatarlarğa tintüvlernen keldiler
Foto menbası: Суспільне Крим

Saba saat dörtten itibaren işğal etilgen Qırımda Qarasuvbazar, Bağçasaray, Aqmescit, Aqyar ve Sovetskoye rayonında yañı kütleviy tintüvler keçti. 7 insannıñ tevqifi aqqında belli.

Bunı Qırım birdemligi bildire.

Ayrıca, Sovetskoye rayonında Mahamadaminov Abdulboride, Qarasuvbazar rayonında Eyupov Azamatında, Aqmescitte Yalkabov Timurda, Bağçasarayda Öleg Födorovda, Aqmescitte Lenur Seydametovda ve Aqyarda Yaşar Şihametovda tintüvlerniñ keçirilmesi aqqında haber etile.

Qırımnıñ işğal FTH-de, tintüvlerni cinaiy davası çerçivesinde keçirilgenini bildirdiler. Tahqiqiy tedbirlerniñ keçirilgen yerde FTH "hadimleri" soy-soplarğa, tevqif etilgenlerni RF CK 205.5 maddesi boyunca qabaatlaylar.

Qayd etilgeni kibi, işğal FTH hadimleri Abdulbori Mahamademinovnı azat ettiler. Onı "Şarqiy" avtostantsiyasında tüşürdiler. Onıñ evinde tahqiqiy tedbirler çabik sürette keçtiler. İşğal FTH hadimleri özüni kimsege tanıştırmadılar.

"Yorğannen qapandım.Ev saibi azbarda dedim. Er kes çıqtı.Turıp tez kiyindim. Aqayımnı mında ketirdiler.Seydaliyevni qıdırğanını eşittim. Onı sorğuğa çektiler. Soñra eki insan kirdi, odalardan keçti. Bir şeyni qıdırmay ediler. Kitaplarımız bar mı dep soray ediler. Maña kimse özüni tanıştırmadı. Aqayım urbanı deñiştirdi, onı alıp ketirdiler. Bir erkek kelip dedi: "Aqayıñıznı şimdi Aqmescitke plıp ketecegimiz. Bir qaç sual qoyacağımız. Cevap berip qaytacaq, ener de er şey yahşı olsa. Eger de olmasa, onı qaldıracağımız",- tarif etti ömür arqadaşı Lütfiye.

Belli olğanı

  • Tintüvler bitti. Tevqif etilgenlerni Qırımnıñ işğal FTH-ñ binasına alıp ketireler.
  • Tutıp alınğanlarnıñ arasında  “Qırım birdemligi” ve siyasiy mabuskarnıñ balaları içün yapılğan “Qırım balalığı” leyhasınıñ faalleri bar. Azamat Eyüpov-2019 senesi oraq ayında Moskvadaki Qızıl meydanında qırımtatarkarnıñ narazılıq tedbiriniñ iştirakçısı.
  • 2020 senesi 16 qırım siyasiy mabusı 19 yıl müddetine azatlıqtan marum etüvine mahküm etilgen edi, 424 insan adliye makemesine aqqından marum etildi ve 77 -işğal etilgen Qırım tışına qanunsız sürette alıp ketirilgenler.