Aq-uquq qoruyıcılar işğalciler tarafından bir yıl içinde siyasiy ya da diniy sebeplerden qaç qırımlını azatlıqtan marum etkenini sayıp çıqtı 

Глянько Катерина
·
16:25, 27 Qaraqışay
Aq-uquq qoruyıcılar işğalciler tarafından bir yıl içinde siyasiy ya da diniy sebeplerden qaç qırımlını azatlıqtan marum etkenini sayıp çıqtı 
Foto menbası: GuildHall

2020 senesiniñ soñu itibarınen işğal etilgen Qırımda 109 adam siyasiy ya da diniy sebeplerden azatlıqtan marum etildi. Aq-uquq qoruyıcılarnıñ aytıp bergenine köre, "Qırım musulmanları davasında" şimdi 69 siyasiy mabüs. 

Bu aqta Qırım aq-uquq qoryıcı gruppasında aytıp berdiler.

"2020 senesi çıqarılğan 15 ükümni qayd ettik. Olardan 10-nı 12-19 yıl apis cezası. Bu davalar Qırım musulmanlarına ait. Asılında b udava boyunca 69 adam azatlıqtan marum etilgen ve daa 5 dolaşuv serbestliginden. Bu "Hizb ut-Tahrir davaları", - dedi Volodımır Çekrıgin. 

Ölga Skrıpnikniñ bildirgenine köre, RF rus akimiyetke qarşı olğanlarğa terrorcılıqqa qarşı qanunnı qullana eken. 

"2020 senesi RF terrorcılıqqa qarşı qanunnı qullanğanını kene kösterdi. İlk nevbette, Rusiye ükümetine qarşı olğanlarnı taqip etmek içün. Ve bu devam etmekte. Çuqarılğan bu deşetli ükümler, bu adamlarnıñ azat etilme meselesi kritik olğanını köstere", - dedi o.

Malümat olaraq 

  • Aralıq ayınıñ 16-nda BMT Baş Assambleyası işğal etilgen Qırımda insan aqları vaziyeti aqqında yañartılğan ve quvetleştirilgen qararnı qabul ettі.
  • Qırımtatarlarğa çıqarılğan qanunsız ükümlar işğal etilgen Qırımda diniy taqip etüvlerniñ nevbetteki isbatıdır- QMC Prokuraturası.