Qarar Ukraina ükümetiniñ oturışında qabul etildi.

Ukraina Nazirler kabineti nevbetteki uçaq şirketlerine qarşı üç yılğa sanktsiyalar qoyulmasını teklif ete: 

•  "KrasAvіa"
•  "Komіavtotrans"
• "Avіakompanіâ "Azimut"
• "Avіakompanіâ "ІRAYERO"
•  "Avіaservіs"
• "Tulpar Yeyr"
• "Ayerolіmuzіn"
• "Pobeda"
• "Simargl"

Bundan ğayrı Kyiv halqara toplulığını da sanktsiyalar qoymasına davat ete. Teklifler ABD, AB memleketlerine yollanacaq. 

Muhtariyetniñ muracaatınen, işğal etilgen yarımada üzerinde uçıp, halqara qaidelerini bozğan daa 81 uçaq yaqalandı. 

"Muhtariyet prokuraturası,  işğal etilgen yarımada üzerinde uçıp, halqara qaidelerini ve Ukraina qanunlarını bozğan tahminen 500 uçaq  belgiledi ve 190-nı yaqaladi", - yazıla bildirmede.

Ziyade baqıñız: Rusiye uçaqlarnıñ Qırımğa uçuşları |Burçevskiy, Lakіyçuk | Kün mevzusı

Malümat olaraq

• 2014 senensi, ava areketini közetip olamağanı sebebinden  Ukraina işğal etilgen yarımada üzerinde ava boşluğını qapattı. Resmiy şekilde bütün ava limanlarınıñ işi toqtatıldı. 
• Qasım ayınıñ 17-nde Muhtariyet prokuraturası işğal etilgen Qırım üzerinden uçuşlar içün 44 rusiye uçağını yaqaladı.