Bu aqta qara qış ayınıñ 27-nde Reintegratsiya nazirliginiñ matbuat hızmeti haber etti. 

 Nazirlikniñ başı Oleksiy Reznikovnıñ bildirgenine köre, kontseptsiya azırlanğanında mütehassıslarnen bir çoq mesleatlaşma keçirilgen. 

 "Qırımtatar tiline yalıñız unikal bir  mirasnıñ qorunması kerekligi ceetinden degil, zemaneviy dünyada kommunikatsiya meselelerini al etmek ve nesilden-nesilge keçmek kerek olğan canlı tilge kibi yanaşmağa tırıştıq", - dep bildirdi o.

Evel, Ukraina reintegratsiya nazirligi Google LLC korporatsiyasına muracaat etip, qırımtatar tilini Google Translate servisine kirsetmege rica etti. Nazirlik Duolingo şirketine – çetel tillerini ögrenüv platformasına muracaat etip, olarnıñ servisi esasında qırımtatar tili kursını başlatmağa teklif etti.

Leyhanıñ esas neticesi – qırımtatar tiliniñ UNESCO-nıñ tasnifine köre, kritik telüke altındaki tiller cedvelinden çıqarılmasıdır. 

Kontseptsiyanıñ 2032 yılğa qadar ayatqa keçirilmesi, til telükesiziligi vaziyetiniñ "kritik telüke altında" seviyesinden "telüke altında / zayıf" seviyesine çıqarmaq kerek. 

Qayd etilgenine köre, bu teşebbüsniñ amelge keçirilmesi, Ukrainanıñ halqara imicine ve dünyadaki nufuzuna müsbet tesir etecek, türkiy tilli memleketler ve qırımtatar diasporası ile munasebetlerni pekitecek. 

"Bütün ukrain milleti içün büyük imkânlar aqqında söz kete. Bugünde 170 million kişi türkiy tilde laf ete, şu cümleden bizim strategik ortaqlarımız da", - dedi Reznikov. 

Elektron şekilde munaqaşalar bir ay devam etedejkler. Yazma şeklinde teklifler 2021 senesi kiçik aynıñ 22-nece qabul etilecek: yakymenko@mtot.gov.ua. Mesül şahıs – Tarabukіn Oleksіy Yurіyoviç.

Malümat olaraq

• Ukrainanıñ vaqtınca işğal etilgen territoriyalarnıñ reintegratsiya meseleler nazirligi Google Translate servisine qırımtatar tilni qoşıp qoymağa ricasınen Google kompaniyasına muracaat etti.