İşğal etilgen Qırımda "Köktebel" şarap zavodı 110 million rublege mezat etildi

Глянько Катерина
·
14:09, 26 Qaraqışay
İşğal etilgen Qırımda
Foto menbası: liga.net

Qara qış ayınıñ 26-nda Qırımda "Köktebel" şarap zavodı 110,2 rublege mezat etildi (40 million grivna).  Onı özü "Köktebel" şarap zavodı" Sıñırlanğan mesüliyetli şirket (SMŞ)  hususiyleştirdi.

Buña ait malümat mezatlar aqqında malümat yerleştirilgen Rusiye saytında yayınlanğan.

"Elektron şekildem keçken mezatnıñ ğalibi, eñ çoq para 110 178 094 ruble 77 kapik (QFB ile) teklif etken 538005 nomeralı iştirakçi tanıldı - "Köktebel" şarap zavodı" Sıñırlanğan mesüliyetli şirket (SMŞ)", - yazıla saytta.

Mezatta eki şirket ve bir hususiy şahıs iştirak etti: "Köktebel" şarap zavodı" SMŞ, Sankt-Peterburgdan "NTTS "Krіstallkor" SMŞ, hususiy şahıs – Permdeki "Bonusmoll" SMŞ tesisçisi Andrey Şklovskiy. 

Advokat Boris Babin Suspilne Qırımğa işhane reberiniñ bu areketini añlattı. Onıñ aytqanına köre, böyle "sahte" mezat yardımınen "Köktebel" zavodnıñ saibine "resmiy" keçken. 

"Bu, uzun müddet likör ve raqı mahsulatınıñ dönümini ayatqa keçirgen büyük Rusiye mafiya strukturasınıñ nezaretine keçken ve Narışkinniñ reberligi astında olğan yağlı parçadır. Söz sırası, Narışkin daa RF tış istihbaratınıñ başıdır. Onıñ menfaatında, şimdi satıluv sahte oldı. Kerçekten, reintergatsiya ekspertleri yarım ay evelsi böyle olacağını endi yazğan ediler", - dedi o.

Malümat olaraq