Doğma ternopilli Qırımnıñ işğaline alâqadar – UTH
Ukraina Telükesizlik hızmetiniñ (UTH) kontr-istihbaratı devlet hainligine alâqası olğan doğma ternopilli, Qırım MC sabıq ukrain memurınıñ qanunsız faaliyette iştirak etkenini tasdıqlağan faktlarnı belli etti – yarımadanı işğal etmege yardım.
Bu aqta Ternopil vilâyetindeki UTH bölügi Facebookta haber etti.
Qayd etilgenine köre, Ternopil sakini Qırım işğal etilgen soñ yarımadada qalğan ve RF-nıñ arbiy bölüklerine qoşulğan.
Biraz soñra, 2018 senesi yarımadanıñ şeerlerinden biriniñ memuriyetine işke kirgen. Anda "özidare organnıñ" reberi vazifesine tayin etilgen
Erkek yarımadanıñ "yerli özidare organlarına" saylavlarnıñ teşkil etilüvinde ve keçirilüvinde iştirak etken.
Ukraina Telükesizlik hızmetiniñ kontr-istihbaratınıñ materiallarına binaen, tahqiqat organlar Ukraina Ceza Qanunnamesiniñ 111 maddesine köre (devlet hainligi) mahkemeden evel tahqiqatnı başlağanlar.
Malümat olaraq
- Ukraina telükesizlik hızmetiniñ qarşı casuslar "Kalançak" kiriş çıqış nezaret noqtasında işğal etilgen Qırımda ukrain vatandaşlarnıñ taqip etüvlerinen alâqalı olğan “Qırım Cemhuriyetiniñ naqliyat idaresiniñ” degen reberini yaqaladılar.
