Mahkeme Suleymanovnı oğlunıñ cenazesine yibermegen tahqiqatçınıñ davasını qapattı

Глянько Катерина
·
11:40, 26 Qaraqışay
Mahkeme Suleymanovnı oğlunıñ cenazesine yibermegen tahqiqatçınıñ davasını qapattı
Foto menbası: Facebook/Кримська солідарність

Qara qış ayınıñ 25-nde Rusiye nezaretinde olğan Qırımnıñ Yuqarı mahkemesi, evel “Hizb ut-Tahrir davası”nıñ mabüsi Ruslan Suleymanovğa oğlunıñ cenazesine barmağa izin bermegen Rusiye tahqiqatçısı Sergey Mahnevniñ areketlerini qanunsız tanımığa red etken rayon mahkemesiniñ qararına advokat Lilâ Gemeci bergen istinaf şikâyetni baqtı. Mahkemeniñ qararına köre, Kıyiv rayon mahkemesiniñ qararı lâğu etildi, dava ise qapatıldı. 

Bunı "Qırım birdemligi" cemaat birleşmesi haber etti

Advokat Rustem Kâmilevniñ bildirgenine köre, Suleymanov mahkeme oturışında video vastasınen iştirak etken, mahkeme esnası qapalı ve jurnalistlerniñ iştiragi olmadan, bozuvlarsız keçken.

Advokat "mahkemeniñ" qararınıñ tam metinini alğan soñ qararnıñ itiraz etilmesi aqqında haber etecek. 

Malümat olaraq

  • Ruslan Suleymanov 2019 senesi saban ayında tutulıp, o vaqıttan berli SİZOda buluna. FSB onı Rusiyede ve işğali altındaki Qırımda yasaqlanğan "Hizb ut-Tahrir" teşkilâtında iştirak etkeninde qabaatlay.
  • Aqmescit civarındaki Mamaq (Stroganovka) köyünde oraq ayınıñ 26-nda, bir buçuq künden soñ,  üç yaşında Musa Suleymanovnı taşnen qapatılğan boşatma çuqurunda ölü taptıları. 
  • Mamaq köyünde üç yaşındaki Musa Suleymanovnı soñki yolğa ozğardılar. 
  • Apis etilgen Ruslan Suleymanov Musa oğlunıñ ölümi aqqında: “Yeri toldurılmaz telef”.