İşğal etilgen Qırım ve Aqyarda даа 259 kişi COVID-19 oğradı

Глянько Катерина
·
10:53, 26 Qaraqışay
İşğal etilgen Qırım ve Aqyarda даа 259 kişi COVID-19 oğradı
Foto menbası: Facebook/Сергій Аксьонов

Qara qış ayınıñ 26 sabası itibarınen vaqtınca işğal etilgen Qırımda COVID-19-nıñ 157, Aqyarda 102 yañı vaqiası “resmiy olaraq” qayd etilgen. Bunen beraber, yarımadada 9, Aqyarda ise 5 adam ölgen.

Bu aqta Qırımnıñ işğalci başı Sergey Aksönov öz Facebook saifesinde haber etti. 

Qayd etile ki, yañı vaqialarnen beraber, 7-niñ hastalıq alâmetleri yoq edi.  

Hasta olğanlarnıñ umumiy sayısından, 113 tibbiy yardım içün muracaat etkende qayd etilgen, 44 - daa evel qayd etilgen hastalarnen alâqada olğan.

Oquñız: Az etip kösterilgen statistika ve hasta ekimler: işğal etilgen Qırımda koronavirus ile bağlı kerçek vaziyet nasıl

Qırımnıñ işğalci Sağlıq saqlav nazirliginiñ bildirgenine köre, tünevin Qırımda koronavirustan 9 adam ölgen, 182 - tedaviylengen.

Qayd etilgeni kibi, ambulatoriya tedaviyine COVID-19 ile 105 hasta alınğan, statsionar tedaviyine  70 keçken.


Menba: Qırımnıñ sağlıq saqlav nazirligi 

Soñki kün içinde ambulator tedaviylevden 68, statsionarlardan 145 kişi çıqarılğan.

Aqyarnıñ işğalci Sağlıq saqlav nazirliginiñ bildirgenine köre, qara qış ayınıñ 26 sabasına qadar Aqyarda 102 yañı koronavirus hastası qayd etilgen, 91 kişi tedaviylengen.

65-ten 94 yaşкъа qadar 5 hasta öldi. 

Qara qış ayınıñ 26 sabası itibarınen Ukrainada 2 779 yañı koronavirus hastası qayd etilgen, ayrıca, 95 bala ve 175 tibbiyet hadimi hastalanğan, 133 ölgen,  12 538 tedaviylengen.

Malümat olaraq

  • Pandemiya başlağanından berli Qırımda resmiy şekilde 31 496   hasta qayd etilgen,  25 320 tüzelgen ve 720 ölgen.
  • Aqyarda yılnıñ başından 9 207 adam yañı koronavirus yuqunçına oğrağan, 8 311 tedaviylengen, 371ölgen. 
  • Pandemiya başlağanından Ukraina qıtasında 1 197 107 adam COVID-19-ğa oğrağan, 965 835 tedaviylengen,  22 057 ölgen.