Rusiye işğal etilgen Qırımnı bir büyük arbiy bazağa çevirilme esnasını er taraflı şekilde donata – Ukraina TİH
RF silâlı quvetleriniñ işğal etilgen Qırımda urucı imkânlarını faal arttıra: ordunıñ sayısını, yañı silâ ve arbiy tehnika ile teminlevini arttıra. Qırımtatarlar, ealiniñ riayetkâr olmağan bir parçası kibi, maqsatlı olaraq Ukraian qıtasına ya da Türkiyege sıqıştırıp çıqarıla.
Bunıñ aqqında Ukraina Tış İstihbarat Hızmetiniñ saytında yayınlanğan "Beyaz kitap 2021" birinci malümat bülleteninde yazıla.
"Rusiye, Qırımnı bir büyük arbiy bazağa çevirilme esnasını er taraflı şekilde, bütün kerkli amillerni köz ögüne alıp, donata, şu cümleden içtimaiy ölçüde de. Yarımadanıñ eali strukturasınıñ deñiştirilmesi devam ete. Qırımtatarlar, ealiniñ riayetkâr olmağan bir parçası kibi, maqsatlı olaraq Ukraian qıtasına ya da Türkiyege sıqıştırıp çıqarıla", - qad etile malümat bülletende.
Hızmetniñ bildirgenine köre, Qırımda özek başı ile raketa uçurta bilgen aman-aman bütün sovet uçaqquvar raketa kompleksleri qullanıla. Bundan ğayrı olar ğayrıdan silâlandırıla – yañı raketalar azır. Şimdiki vaqıtta kompleksler Qara deñiz bölgesiniñ büyük qısmını, "üst-üst" tipli raketalar ise onı tamamınen nezaret ete.
Menba: Skrinşot/ Beyaz kitap 2021
Daa yarımadağa özek başı ile yüklene bilgen arbiy uçaqlar ve raketa gemileri yereleştirile.
"Rusiyeniñ zemaneviy şaraitte "taktik özek silâlarnı" azırlamağa ve qullanmağa planları Kremlniñ halqara toplulığına tazyıq derecesini arttırmasına ve Qara deñz, Aq deñiz ve Avropa TVD-de tecavuzkâr şekilde üstün çıqmağa imkân bere. Bütün bular em Ukrainanıñ, em strategik ortaqlarınıñ telükesiziligi ve milliy menfaatları içün havflıdır", - qayd eteler istihbaratta.
RF-nıñ yarımadaadki arbiy kontingentiniñ umumiy sayısı 32,5 biñ adam. TİH fikrince, esas maqsad – RF-nı Qara deñiz bölgesinde üstün bir devletke çevirmektir.
"Şuralar devrinden soñra ğırdaplılıq artıq RF imayesi altında "Avrasiya" formatlarınıñ integratsiyasınıñ teren buhranınıñ katalizatorına çevirildi. Bu, asılında Kremlniñ "ŞSCB 2.0" - ni bu ya da diger şekilde candandırmaq içün bu birlikler esasında iddialı geosiyasiy leyhalar amelge keçirmesini imkânsız yapa", - dediler ukrain istihbaratçıları.
Malümat olaraq
- RF Qara deñiz bölgesinde, Afrikada, Yaqın Şarqata, Uzaq Şimalde ve Baltıq bölgesinde arbiy bulunuvını arttıra.
- Rusiyeniñ Qara deñizdeki tecavuzı sebebinden NATO Ukraina ve Gürcistanğa destekni quvetleştirecek.
- NATO ile keñişleme ve ortaqlıq Rusiyeniñ tecavuzından arbiy telükesizlikniñ reinidir - ekspert.
- Ukrain ordusı 2014 senesi Qırımnıñ qaytaruvı boyunca mahsus operatsiyasını azırlay edi-Krivonos
- Ukraina Qırımnı nasıl ğayip etkeni aqqında. TDB-da öz rivayetni adladılar.
- Ukrainanıñ akis-istihbaratı Qırımnıñ ayırılma telükesi aqqında daa Yuşçenko ve Yanukoviç zamanında haberdar etken edi.
