Bunı, idare vekili Öleg Nikolenko Twitter’de haber etti.

"BBC News Russian, sahte rusiye aqiqatlarına qol tutmañız. Aqyar ve Aqmescit rusiye şeerleri iç bir zaman olmağan ediler. Qırım ilhaq etilmegen, işğal etilgen. Halqara uquqnıñ emiyeti bar",-yazdı o.

Rusiye BBC hızmeti, qara qış aynıñ 24 gecesinde, muhalif Aleksey Navalnıyğa destek olaraq Rusiyedeki narazılıq tedbirlerniñ neticelerni yekünleyerek, kütleviy narazılıqlar Rusiyeniñ 122 şeerinde ve bu ülke tışındaki 78 şeerinde olıp keçkenini qayd etti. Bunen beraber, işğal etilgen Aqyar ve Aqmescit bu cedvelde "rusiye" soyları kibi qayd etileler, bu cedvelniñ aşağında ise "Rusiye Qırımnı ve Aqyarnı 2014 senesi ilhaq etkeni" işareti bar.

Daa bu yayınlav, qırımtatar halqnıñ Meclis başı Refat Çubarovnı açuvlandırdı.

"BBC rusiye neşriyatı, bu ne dayın şey? Saytıñızda kösterilgeni kibi, Aqyar ve Aqmescit ne zamandan berli rusiye şeerleri  oldılar? Harita resminiñ astında yerleştirilgen atıf da kimseni aldatmasıñ ("Rusiye Qırım ve Aqyarnı 2014 senesi ilhaq etken"). 

Oquğanlarnıñ 99% malümat serlevasını oquy, anda ise doğrudan-doğru “2021 senesi qara qış aynıñ 23, Rusiyede Aleksey Navalnıyğa qol tutuvı içün yapılğan narazılıqlar” yazılğan”,-yazdı Çubarov Facebook saifesinde.

BBC’de  ihtarga daa  diqqat çekmediler.

Belli olğanı

• Estoniya, Latviya ve Litvaniya, muhalif Aleksey Navalnıyge qol tutuvı içün narazılıqlarnıñ bastıruvı içün mesülietli olğan rusiye memurlarına qarşı Avropa Birliginiñ sanktsiyalarnıñ kirsetüvini isteyler.
• Qara qış aynıñ 23 işğal etilgen Aqmescitnıñ Lenin meydanında rusiye muhalifi Aleksey Navalnıyğa qol tutmaq içün  toplanğan tedbirine bir qaç onluq insan kelgen.
• Qara qış aynıñ 23 bütün Rusiye boyunca, 30 künge tevqif etilgen muhalif siyasetçi Aleksey Navalnıyge qol tutuvı içün narazılıq tedbirleri keçirile.