Bunı “Shemalar: tafsilâtlıca qabarcılıq” programmasınıñ jurnalistleri haber ettiler.

Qayd etilgeni kibi, Gonçarenko, Odessa asıllı olğan “Moskva teatrı”, “Zemaneviy pyesa mektebi”niñ esasçısı ve bediiy eeberi Yosip Rayhelgauzına dair şefaat ete edi. 

“Qırım işğaline iç te qol tutmay edi.Oña büyük ürmetim bar, evelden onıñ teatr gastrollerni teşkil etmege yardım ete edim ve karantin bitkende, onıñ teatrı kene de Ukrainağa kelsin dep ister edim”,-añlatqan edi halq deputatı.

Jurnalistlerniñ sözlerine köre, Reyhelgauzından ğayrı, cedvelde daa 7 rusiye artisti buluna.

Daa halq deputatı, bugünki künü milliy telükesizligi içün havflı olğan şahıslarnıñ cedvelinde bulunğan” rusiye aktrisası Irina Alförovanı hatırlay; rusiye medialarnıñ malümatına köre, RF Mudafaa nazirliginiñ destegi ile çıqarılğan olğan “Qırım” giliminde oynağan rusiye aktöri Yuriy Çernovnı; ve, Qırımnı, onıñ işğalinden soñ ziyaret etken rusiye aktöri Marat Başarovnı da hatırladı.

Gonçarenko, buna dair tefsirinde şunı dedi ki: “UTH ve Devlet sıñır hızmetinden, aynı bu insanlar ukrainağa qarşı faaliyetinde körülgen ediler mi dep sormağa isteyim? Okar qayd etilse ediler-Ukrainada iç bir işi yoq. Qayd etilmeseler-hoş sefa, keliñiz, medeniyetimiznen deñişecegimiz”.

Aleksey Gonçarenko “Shemalar”nıñ taqiqatına cevap bergen. 

“Qısqaca aytsaq, o, ayın-oyundır. Men “kirsetmege talap etem” demedim, “bu adamlar, Ukrainağa qarşı  iç bir faaliyetinde körülgenler mi” dep sordım”,-qayd etti o.

Belli olğanı

• Litvanya Migratsıya hızmeti rusiye yırco Fillip Kirkorovnı, istenilmegen şahıslar cedveline kirsetti.
• Ukraina, işğal etilgen Qırımnıñ ziyareti içün Pötr Mamonovğa üç yılğa kirmesini yasaq etti.
• Qasım aynıñ 19 rusiye aktöri Grebenşikovğa, işğal etilgen Qırımnıñ ziyareti içün Ukrainağa kirmesini yasaq ettiler.