Qırımda ve Aqyarda işğalcılar koronavirusnıñ 327 yañı vaqianı qayd ettiler
Qara qış aynıñ 24 sabasına qadar, işğal etilgen Qırımda COVID-19-nıñ “resmiy şeklinde” 226 vaqianı resmiyleştirgenler, Aqyarda-101. Bunen beraber, yarımadada 7 insan vefat etti, daa 6 Aqyarda öldi.
Bunı Qırımnıñ işğal “başı” Sergey Aksönov bildirdi.
Qayd etilgeni kibi, yañı vaqialarnen beraber, 4-hastalıqnıñ alâmetsiz keçüvinen.
“Hasta olğanlarnıñ umumiy miqdarından 162 tibbiy yardımına muracaatı vaqtında belli etilgen, 64-evelden qayd etilgen vaqialarnen bağ ile”,-denile beyanatta.
İşğal SQN malümatına köre, keçken kün içinde Qırımda koronavirus sebebinden 7insan öldi.
Aqyarnıñ işğal akimiyeti haber etkeni kibi, qara qış aynıñ 24 sabasına qadar COVID-19-nıñ 101 yañı vaqiası qayd etilgen.
61 yaşından 87 yaşına qadar 6 adam vefat etken.
Belli olğanı
- Umumen, yılnıñ başlanuvından berli Aqyarda koronavirusnen 9 006 insan hastalanğan, 361-vefat etken.
- İşğal etilgen Qırımda koronavirusnıñ umumen 31 147 vaqiası qayd etilgen, 704 insan vefat etken.