Ukraina, VİET abituriyentlkr içün azırlanuv kurslarnı kirsete

Присяжнюк Владислава
·
11:34, 24 Qaraqışay
Ukraina, VİET abituriyentlkr içün azırlanuv kurslarnı kirsete
Foto menbası: Pixabay

2021 senesi Ukraina Reiniyegratsiya nazirliginde, vaqtınca işğal etilgen territoriyalarından gençlerniñ azırlanuv kurslarına ve başqa reintegratsiya programmalarına tahminen 130 mln grivnanı ayırılmağa planlaştıralar.

Bunı, qara qış aynıñ 21, Kiyevdeki matbuat konferentsiyasında "Fond" Açıq siyaseti" cemaat teşkilâtınıñ icraiy müdiri İrina Jdanova bildirdi.

Onıñ sözlerine köre, "Aliy tasil aqqında" emrine uyğun deñişmeler kirsetilgenler, Reiniyegratsiya nazirliginiñ bücetinde ise,  vaqtınca işğal etilgen territoriyalarından gençlerniñ azırlanuv kurslarına ve başqa reintegratsiya programmalarına tahminen 130 mln grivna kirsetilgen.

Azırlanuv kursları bu yıl yedi oquv yurtnıñ esasında areket etecekler:

  • Donetsk Milliy tehnik universiteti (Pokrovs şeeri);
  • Vernadskiy adına Tavriya Milliy universiteti (Kiyev);
  • Herson Devlet universiteti;
  • Dal adına Şarqiy ukrain milliy universiteti;
  • Şevçenko adına Lugansk Milliy universiteti;
  • Dragomanov adına Milliy pedagogik universiteti;
  • Mariupol Devlet universiteti.

Qara qış aydan başlap azırlanuv kursları, karantin sebebinden uzaqtan keçirilecekler.Orta küz aydan başlap Reintegratsiya nazirligi olarnı oquvnıñ kündüz tarzına keçirmege planlaştıra. 

Ukraina Maarif ve ilim nazir muavini Andrey Vitrenko haber etkeni kibi, keçken sene, "Qırım-Ukraina" tasil merkezlerinden 397 insan kelgen, "Donbass-Ukraina" merkezlerinden- 1 629 insan.

Belli olğanı

  • Vaqtınca işğal etilgen Donbass ve Qırım territoriyalarındaki mezunlar ukrain aliy oquv yürtlarına 2016 seneden itibaren qolaylaştırılğan aneliyatı boyunca kireler. Bunıñ içün “Donbass-Ukraina” ve “Qırım-Ukraina” tasil merkezler teşkil etilgen edi.
  • İşğal etilgen territoriyalar sakinler içün, Maarif nazirliginen tayin etilgen ayrı kvotası ayırılğan.