Uyğun qarar, Qırım MC-deki vaziyetiniñ nezaret neticelerine köre alınğan edi, bildire Tışqı işler nazirliginiñ saytı.

Qayd etile ki, Ukraina ve halqara teşkilâtlarnen toplanılğan UNESCO Baş müdiriniñ maruzasınıñ  neticelerindeki malümatlar vaqtınca işğal etilgen Qırım ve Aqyarda insan aqları boyunca vaziyetiniñ ilerideki kerginleşüvi aqqında bildireler.

Neticelerde daa şusı tesbit etile ki, işğal akimiyetiniñ areketleri baqış, vicdan ve din, barışıqlıq toplaşuvlar, KHV ve malümatqa irişimine, til ve medeniyet aqlar serbestliklerine telükesi olalar.

“İnsan aqlarnıñ bozuluvlarından eñ çoq zarar körgen zümreler arasında, işğal akimiyet tarafından basqılarğa oğrağan  qırımtatarlar ve ukrainlerdir”-qayd etile maruzada.

Qabul etilgen qararına köre, UNESCO baş müdiri, kelecek maruzanı, tam olaraq yapılğan nezaret neticelerine köre İcraiy şurasınıñ 212-ci sessiyasında vaqtınca işğal etilgen Qırımdaki vaziyeti aqqında taqdım eticegi közde tutula.

“Bu qararnıñ qabul etüvi, devletimiznin territorial bütünliginiñ destegine halqara toplulığınıñ qaviy mevamını tasdıqlay ve Qırımnıñ deokupatsıyası boyunca halqara quvetlerniñ birleştirüv elementi ve Rusiyeniñ tecavuziy siyasetine qarşılıq bermesine dair müim bir aleti ola”,-qayd etti nazir müavini Emine Capparova.

Belli olğanı

• 2021 senesi qara qış ayğa qadar, UNESCO, vaqtınca işğal etilgen Qırımnıñ ilim ve malümatlıq saalarında vaziyetniñ nezareti içün Ukrainağa missiyalar sırasını yapıp tasil saasında nezaretni başlağan. Kelecek adım medeniyet ve medeniy mirasınıñ saasında nezareti olmaq kerek.
• İşğal etilgen Qırımğa dair “Ukraina Rusiyege qarşı” davasınıñ baquvı içün qabul etüvi aqqında İnsan aqları boyunca Avropa makemesiniñ qararı RF-nı mesülietke çeküv ceryanında emiyetke lâyıq olmaqtadır.