Ukrainanıñ akis-istihbaratı Qırımnıñ ayırılma telükesi aqqında daa Yuşçenko ve Yanukoviç zamanında haberdar etken edi
Ukrainanıñ akis-istihbaratı Qırımnıñ ayırılma telükesi aqqında daa 2014 senesinden evel, Viktor Yuşçenko ve Viktor Yanukoviç zamanında haberdar etken edi.
Bu aqta qara qış ayınıñ 16-nda "Azatlıq Radiosına" Ukraina Telükesizilik hızmetiniñ general-mayorı Yuliya Laputina haber etti.
Onıñ aytqanına köre, Ukrainanıñ akis-istihbaratı Qırımnıñ ayırılma telükesi aqqında Viktor Yuşçenko ve Viktor Yanukoviç zamanında haberdar etken edi, amma akimiyet deñişti ve iç bir kimse buña qulaq asmağan.
"Ukrainanıñ akis-istihbaratı bütün yolbaşçılar vaqıtnda taliliy vesiqalar yazdı. Olardan biri 2008-2009 seneleri edi, Qırımda olğan şeyler aqqında. Ve işimizniñ ilk hulâsası Qırımnıñ ayırılma telükesi olğanı aqqınd edi. Amma akimiyet deñişti ve iç bir kimse buña qulaq asmadı. Biz tbuña yol bermemek içün teklifler bile azırlağan edik", - dedi o.
Laputinanıñ bildirgenine köre, Rusiye türlü-türlü melez usullarnı qullanğan.
"Qırımnıñ maliyeviy resursları yoq etildi, sahte avizo yardımınen para çıqarıla edi. Bundan ğayrı, şurular deverinden soñ kelgen alanda kriminalizatsiya esnas başlanğan edi", - qayd etti Laputina.
O zaman UTH operativ-tahqiqat gruppasını teşkil etken. Bu gruppa Ukraina suverenitetine qarşı olğan areketlerniñ aldını almaq içün er şeyn yapqan.
"Biz silâlı cinayetçilerni yaqalay edik. Bu silâlı, paranen banditler edi, olar Ukrainağa qarşı areke tete edi. Bunı toqtatsaq bile, añlay edik ileriden RF diger ıntıluvlarına yol bermemek içün bir şey yapmalımız", - hatırladı o.
Malümat olaraq
- Sergi Krivonos, USQ Baş şatbı Qırımnıñ qaytarıluvı içün operatsiya azırlağanını aytıp berdi.
- Ukraina Qırımnı nasıl ğayip etkeni aqqında. TDB-da öz rivayetni adladılar.