AB ve İsveçiya Rusiyeni "Hizb ut-Tahrir davası" iştirakçilerini azat etmege çağıralar
Ukrainadaki AB elçisi Matti Maasikas ve Ukrainadaki İsveçiya elçisi Tobias Tiberg Qarasuvbazar "Hizb ut-Tahrir davası"nıñ iştirakçileri Enver Ömerov, Aycer Cepparov ve Riza Ömerovğa çıqarılğan ükümlerni takbih ettip, Rusiyeni qırımlılarnı azat etmege çağırdılar.
Bu aqta olar Twitterdeki saifelerinde yazdılar.
AB elçisi, çıqarılğan ükümlerni takbih etkeni, aqqında yazdı.
"Qırımtatarlarğa çıqarılğan soñki ükümni takbih etem, üçüne 48 yıl apis cezası. Men Ayder Cepparov, Enver ve Riza Ömerovlarğa birdemlik bildirem. Qanunsız sürette apis etilgen bütün ukrainler deral azat etilmeli", - yazdı Maasikas.
İsveçiya elçisi ükümlerge qabul olunmaz dedi.
"Rusiyede 48 yılğa üç qırımtatarnıñ apis etilmesi qabul olunmaz. Rusiyede apis cezasına mahküm etilgen bütün ukrainler azat etilmek kerek", - yazdı Tiberg.
Malümat olaraq
- Büyük Britaniya "Hizb ut-Tahrir davası"nıñ üç iştirakçisine çıqarılğan qanunsız ükümni takbih etti.
- Qara qış ayınıñ 12-nde Rostov-na-Donudaki Cenübiy bölgeniñ arbiy mahkemesi Qarasuvbazar “Hizb ut-Tahrir davası”nıñ mabüslerine üküm çıqardı.
- Ukraina TİN qırımtatarlarğa çıqarılğan qanunsız ükümlerge narazılıq bildirdi.
