Büyük Britaniya "Hizb ut-Tahrir davası"nıñ üç iştirakçisine çıqarılğan qanunsız ükümni takbih etti
Ukrainadaki Büyük Britaniya elçisi Melinda Simmons, Enver Ömerov, Ayder Cepparov ve Riza Ömerovğa çıqarılğan ükümni takbih etti. Olar 13-18 yıl sert apis cezasına mahküm etildi. O, Büyük Britaniya adından Rusiyeni bütün ukrain siyasiy mabüslerniñ deral azat etmesine çağırdı.
Bu aqta o, öz Twitter saifesinde yazdı.
"Enver Ömerov, Ayder Cepparov ve Riza Ömerovğa çıqarılğan ükümni takbih etem. Rusiye tarafından qırımtatarlarnı ve Qırımnıñ qanunsı işğal etilmesine qarşı olğan er kesniñ taqip etilmesi qabul etilmez. Büyük Britaniya Rusiyeni bütün ukrain siyasiy mabüslerniñ deral azat etmemege çağıra", - dep bildirdi o.
Appalled at sentencing of Enver Omerov, Riza Omerov and Ayder Dzhapparov. 🇷🇺 continued persecution of Crimean Tatars & those who oppose its illegal annexation of #Crimea is unacceptable. 🇬🇧 calls on 🇷🇺 to release all 🇺🇦 political prisoners immediately #crimeaisukraine https://t.co/GCI1XRX9Nj
— Melinda Simmons (@MelSimmonsFCDO) January 12, 2021
Malümat olaraq
- Büyük Britaniya Rusiyeni qırımtatarlarğa qarşı basqılarnı toqtatmağa ve Qırımnı Ukrainağa qaytarmağa çağıra.
- Büyük Britaniya, Qırımnıñ deokupatsiyası boyunca platformasınıñ yaratuv qavrayış meselesi boyunca mesleatlaşuvlarğa qoşulmağa azırlığını ilân etti.
- Qara qış ayınıñ 12-nde Rostov-na-Donudaki Cenübiy bölgeniñ arbiy mahkemesi Qarasuvbazar “Hizb ut-Tahrir davası”nıñ mabüslerine üküm çıqardı. Qırımtatarlar 13-ten 18 yılğa qadar sert apis cezasına makhüm etildiler.
- Ukraina Tış işler nazirligi qara qış ayınıñ 12-nde qırımtatarlarğa çıqırılğan qanunsız ükümlerge qatiy narazılığını bildirdi.
