Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini İgor Yaremenko, Ukraina Kreml terrorcılıqnen qabaatlağan, suçsuz qırımtatarlarğa çıqarılğan ükümlerni tanımay, dep bildirdi.

"Bu qararnıñ lâğu etilmesini ve bütün vatandaşlarımıznıñ deral azat etilmesini talap etemiz. Moskvanıñ mantığfna köre, qırımtatarlar tamır halq olaraq öz vatanında yaşağanı ve Rusiye arsızlıqnen işğal etken Qırım yarımadasını ilhaq etmege ıntıluvını tanımağanı içün qabaatlılar", - dep bildirdi o. 

Onıñ bildirgenine köre, sanktsilar qoymaq içün qanunsız ükümlerniñ çıqarıluvına alâqası olğan şahıslarnıñ cedveli azırlana eken. 

"Sanktsiyalarnıñ quvetleştirilüvi Rusiyeniñ Qırımdaki diniy tecavuzına cevaptır. Ukraina halqara meydançıqlarda Rusiye Federatsiyasına ve  işğal etilgen ukrain topraqlarında diniy sebeplerden taqip etüvlerge alâqası olğan şahıslarğa qarşı sanktsiyalarnıñ quvetleştirilüvi içün ğayret etecek", - qayd etti nazir.  

Malümat olaraq

•  Rusiye mahkemesi Qarasuvbazar "Hizb ut-Tahrir davası"nıñ mabüslerine üküm çıqardı. 
•  Ukraina TİN qırımtatarlarğa çıqarılğan qanunsız ükümlerge narazılıq bildirdi.
•  İşğalciler siyasiy mabüslerge qoltutmağa ketken qırımtatarlarnı kene toqtattı.
• İşğal etilgen Qırımda 120 Ukraina vatandaşınıñ azatlıqtan marum etilmesinden sebep cinayet davası açıldı.