İşğalciler siyasiy mabüslerge qoltutmağa ketken qırımtatarlarnı kene toqtattı

Глянько Катерина

09:56, 12 Qaraqışay

İşğalciler siyasiy mabüslerge qoltutmağa ketken qırımtatarlarnı kene toqtattı

Foto menbası: Кримська солідарність

Qara qış ayınıñ 12-nde işğalciler Keriç köpründe 120-ge yaqın qırımtatanı toqtatıp, suvuq avada, aşsız ve sıcaq suvsuz aman-aman 9 saat devamında tuttılar. Bağçasaray, Eski Qırım, Sudaq, Qarasuvbazar, Canköy, Aqmsecitten qırımtatarlar Rostov-na-Donuğa kete ediler. Anda Qarasuvbazar "Hizb ut-Tahrir davası" iştirakçilerine üküm çıqarılmaq kerek edi.

Bu aqta "Qırım birdemligi" haber etti.

Qayd etilgenine köre, yaqalanılğanlar arasında 16 yaştan 76 yaşqa qadar qadınlar ve erkekler. Olarğa tek Qırımğa qaytmağa izin bergenler. Akis alda maşinalrnı mahsus ayırılğan yerlerge alıp kete ediler.

Menba: Qırım birdemligi

Malümat olaraq

2019 senesi kiraz aynıñ 10 Aluşta, Qarasuvbazar ve Aqmescit rayonlarındaki qırımtatarlarnıñ evlerinde tintüvler keçti, rusiye tecavuzcıları 8 adamnı tutıp aldılar: Ruslan Nagayev, Eldar Kantіmіrov, Ruslan Mesut, Lenur Halіlov, Rіza Ömerov, Enver Ömerov, Ayder Capparov ve Eskender Suleymanov.
İlk qış aynıñ 22 Rostov-na-Donudaki Cenübiy arbiy bölük makemesiniñ oturışında Qarasuvbazar “Hizb ut-Tahrir” davasınıñ üç figurantı içün prokuror 13-ten 19 yılğa qadar azatlıqtan marum etüvini istedi.
Siyasiy mabüslerniñ ömür arqadaşları bir kişilik piketler keçirgen ediler.

Haberler