Bu aqta o, qara qış ayınıñ 11-nde haber etti. 

"Bu bayram künleri devamında, qar ve yağmur yağğanına baqmadan, artıluvlar pek az edi, suv anbarları tahminen 20 biñ metr kub aldı. Zagorsk suv anbarında suv miqdarı 27 million 800 biñ metr kub olmalı, ölü kölem – 2 million 500 biñ, bugünde ise – 2 million 42 biñdir. Sçastlivoye suv anbarında 11 million 800 biñ olmalı, ölü kölem – 100 biñ, bugünde – 2 million 390 biñdir", - aytıp berdi Pavlenko. 

Qayd etilgenine köre, qoşma ortalama künlük suv kölemini Üç-Qoş, Hasta-Baş, Massandra suv anbarı ve Mogabi özeni bereler. 

Malümat olaraq

• 2020 senesi qasım ayınıñ 27-nden başlap Yaltada gece suv teminatı sıñırlanıp başladı. Soñra, aralıq ayınıñ 14-nden suvnı cedvel boyunca berip başladılar. 
• Aralıq ayınıñ 17-nden Yalta Mogabi özeninden suvnen temin etile.