Bu aqta o, qara qış ayınıñ 11-nde haber etti. 

"Yaltada suv ile bağlı vaziyet turğundır, amma aynı zamanda siz (Sergey Aksönov – muar.) teklif etken ğayet eyi ğaye biz içün birinci yerdedir –  Qırımda suvnı tatlılaştırğan ilk tertibatnı qurmaq içün arazi endi saylanğan", - dedi Pavlenko. 

Aynı zamanda onıñ qayd etkenine köre, adliyeciler böyle hulâsağa kelgenler: "Rusiyede qanun seviyesinde tatlılaştırğan suvnı qullanmağa izin bergen vesiqalar daa yoqtır". 

Bundan sebep, Pavlenko Aksönovğa bu meseleniñ çezilüvinde yardımcı olmağa rica etti. 

Malümat olaraq 

• İşğal etilgen Aluşta, Suvdağ ve Kefedeki sel özenlerniñ çoqusı ilk qış ayda yağanaqlarnıñ alçaq seviyesi içün  qurumağa devam ettiler.