Denisova oktâbr ayından berli Rusiye Ombudsmeninden işğal etilgen Qırımğa barıp kelüvi ile bağlı cevapnı bekley
Ukraina Yuqarı Radasınıñ insan aqları vekâletlisi Lüdmila Denisova oktâbr ayında Rusiye Ombudsmeni Tatyana Moskalkovağa işğal etilgen Qırımğa barıp kelmesimi teşkil etilmesi içün resmiy mektüp yollağan. Denisovanıñ bildirgenine köre, Avropa Şurası Parlament Assambleyasında Moskalkova Ukraina Ombudsmeni apishanelerde tutulğan ukrainlerni yoqlamaq içün Qırımğa telükesiz kele bile, dep aytqan. Amma cevap alâ daa yoq eken.
Bu aqta Lüdmila Denisov "Qırım. Aqiqatqa" haber etti.
Moskalkova İnsan aqları komitetiniñ oturışında er kesni apishanelerde baquv şaraiti pek yahşı olğanına inandırğan. Aynı zamanda özü mabüsler, olarnıñ tuvğanları ve advokatları bam-başqasını aytalar.
"Vatandaşlarımız bulunğan apishanelerge yoqlamağa, tutuv şaraini teşkermege ister edim. Özü mabüsler, olarnıñ tuvğanları ya da advokatları bizge telefon etip yaramay şarait, tibbiy yardım kösterilmegeni, ilâclar berilmegeni aqqında aytalar, Moskalkova hanım ise Avropa Şurası Parlament Assambleyasında insan aqları komitetiniñ oturışında er şey yahşı – bu "beş yıldız ile musafirhane", insan aqları vekâletlisi kelip yoqlay bile,dey. Men de oña muracaat ettim ve dedim: "Siz öyle dediñiz, ya ne içün men alâ daa barıp olamayım? Böyle bir barıp kelüvni teşkil etkeniñizni isteyim", - aytıp berdi Denisova.
Bundan ğayrı, Denisova Qırım sakinleri işğal şaraitinde nasıl yaşağanlarını körmege ister edi.
Malümat olaraq
- Denisova, Rusiye apishanelerinde tutulğan Qırım sakinleri tehdit etilgeni aqqında ayttı.
