ABD temsilciler palatası siyasiy mabüslerniñ destegine qarar qabul etti
ABD temsilciler palatası, Rusiye apis etken bütün qırımlı siyasiy mabüslerni azat etmege çağırğan qararnı qabul etti.
Bu aqta ABD Kongressiniñ saytında yayınlanğan vesiqada haber etile.
“Memorial” aq-uquq qoruyıcı merkezi tarafından azırlanğan cedvelde jurnalistler, cemaat faalleri, aq-uquq qoruyıcılar ve işğal etilgen qırımdaki Ukraina vatandaşları.
“Temsilciler palatası Rusiye tarafından siyasiy sebeplerden apis etüvlerni takbih ete ve Rusiye Federatsiyasında azatlıqtan marum etilgen er keske birdemlik bildire”, - yazıla qararda.
Bundan ğayrı, ABD-niñ bütün temsilcileri Rusiye ile aytışmalarda siyasiy mabüslerniñ mevzusını kötermege ve işğal etilgen Qırımda insanlarnıñ azatlıqtan marum etilüvinen bağlı olğanlarğa “Magnitskiy aktını” ya da diger sanktsiyalarnı qullanmağa davet etile.
Malümat olaraq
- BMT işğal etilgen Qırımdaki bütün Rusiye organlarını qanunsız tanıdı.
- ABD Devlet kâtibiniñ muavini Stiven Bigen, Rusiyeniñ Ukrainadaki areketleri - halqara uquqqa sayğısızlıqtır, dep bildirdi.
- ABD Rusiyeni Qırım üzerinde tam nezaretni Ukrainağa qaytarmağa çağıra - BMT ve OSCE-deki ABD missiyası.
