Litvaniya elçisi Qırım ve Herson arasındaki memuriy sıñırğa barıp kelgen
14:59, 01 Aralıqay
Foto menbası: Представництво президента України в АР Крим
Aralıq ayınıñ 1-nde Litvaniyanıñ Ukrainadaki elçisi Valdemaras Sarapinas Qırım ve Herson arasındaki memuriy sıñırnı ziyaret etken. Elçi Qırım MC Ukraina prezidentiniñ daimiy temsilcisi Anton Körineviç ile “Qalançaq” ve “Çaplınka” kiriş-çıqış yoqlav keçitlerini yoqlağan.
Bu aqta Qırım MC Ukraina prezidentiniñ daimiy temsilciligi Facebookta haber etti.
Temsilcilikniñ bildirgenine köre, ziyaret çerçivesinde memleket içinde yaşağan yerini deñiştirgen Qırım sakinleri ile (Herson vilâyetinde yaşağan) ve qırımtatar halqınıñ iyemsilcilerinen körüşüvler keçirilmesi planlaştırıla.
Malümat olaraq
- Ukrainadaki Kanada elçisi Larisa Galadza ve Qırım MC Ukraina prezidentiniñ daimiy temsilcisi Anton Körineviç Qırım ile memuriy sıñırdaki “Qalançaq” yoqlav keçitini ziyaret etti.
