Ukraina Avropa Birliginiñ Qırım meselelerinden mahsus temsilci vazifesini tayin etmesini istey - Kuleba

Глянько Катерина
·
14:04, 01 Aralıqay
Ukraina Avropa Birliginiñ Qırım meselelerinden mahsus temsilci vazifesini tayin etmesini istey - Kuleba
Foto menbası: Anadolu Agency

Ukraina Avropa Birliginiñ Qırım meselelerinden mahsus temsilci vazifesini tayin etmesini istey. Bundan ğayrı Ukraina TİN ABD-niñ yañı prezidenti Joe Biden tarafından Rusiyege qarşı sertleşme olacağını bekley. 

Bu aqta Ukraina Tış işler naziri Dmıtro Kuleba Anadolu Agency Türkiye neşrine intervyü vaqtında bildirdi

“Avropa Birliginiñ Qırım meselelerinden mahsus temsilci vazifesini tayin etmesini isteymiz. Bütün bu vaziyet Avropada olaıp keçe, şunıñ içün o ayrı diqqatqa lâyıqtır”, - dedi Kuleba. 

TİN başı ABD-niñ yañı prezidenti Joe Biden tarafından Ukrainağa qarşı tecavuz sebebinden Rusiyege qarşı sertleşme olacağını bekley. 

“Rusiyeniñ Ukrainağa qarşı tecavuzına kelgende, o bayağı sert davranacaq. Ve bu mevzuda müdiyeriyet ile neticege irişken etr taraflı dialog olacaq. Söz sırası, prezident Bayden, Ukraina dosyesını ögrenmege ihtiyacı olmağan tarihta birinci Amerika prezidenti”, - dep qoştı o. 

Aynı zamanda nazirniñ aytqanına köre, ABD prezidenti Donald Trumpnıñ müdiriyeti de Qırım içün bayağı şey yaptı, misal olaraq, 2018 qabul etilgen “Qırım beyannamesi”. 

Malümat  olaraq

  • 2018 senesi oraq ayınıñ 25-inde ABD Devlet kâtibi Michael Pompeo,  "Qırım beyannamesi"ni çıqardı, anda, ABD Qırım işğalini iç bir vaqıt tanımaz, dep yazılğan. Pompeo, ABD ileride de Ukrainanıñ bütünliginiñ tiklenmesini talap etecek, dep bildirdi.