İşğal etilgen Qırım ve Aqyarda 276 yañı koronavirus hastası qayd etildi
Aralıq ayınıñ 1-nde işğal etilgen Qırımda 214, Aqyarda ise 62 yañı koronavirus hastası qayd etilgen. İşğal etilgen Qırımda 7, Aqyarda 3 adam ölgen.
Bu aqta Qırımnıñ işğalci başı Sergey Aksönov öz Facebook saifesinde haber etti.
Qayd etile ki, 18-niñ hastalıq alâmetleri yoq edi.
135 tibbiy yardım içün muracaat etkende qayd etildi, 78 daa evel qayd etilgen hastalarnen alâqada oldı, daa biri çetelden kelgen.
Qırımnıñ işğalci Sağlıq saqlav nazirliginiñ bildirgenine köre, tünevin Qırımda koronavirustan 7 adam ölgen, 187 - tedaviylengen.
Berilgen malümatqa köre, 134 hasta ambulator tedaviylevde, 99 statsionarlarda buluna.
Menba: Facebook/ Qırımnıñ sağlıq saqlav nazirligi
Soñki kün içinde ambulator tedaviylevden 153, statsionarlardan 73 kişi çıqarılğan.
Aqyarnıñ işğalci Sağlıq saqlav nazirliginiñ bildirgeninen köre, bugün Aqyarda 62 yañı koronavirus hastası qayd etilgen. Hastalar 1-82 yaşında olğanlar, 107 kişi tedaviylengen.
Aynı zamanda Aqyarda 68, 72 ve 90 yaşındakı adam ölgen.
Aralıq ayınıñ 1-nde Ukrainada 12 498 yañı koronavirus hastası qayd etilgen, 221 ölgen. 10 023 tedaviylengen.
Malümat olaraq
- Pandemiya başlağanından berli Qırımda 15 586 hastalandı, 11 609 tüzeldi ve 293 insan öldi.
- Aqyarda yılnıñ başından 4 408 insan yañı koronavirus yuqunçına oğradı, 3 896 tedaviylendi, 123 elâk oldı.
- Pandemiya başlağanından Ukrainada 745 123 insan COVID-19-ğa oğradı, 355 172 tedaviylendi, 12 548 öldi.